कोयनेत पाण्याची आवक कमी; धरणाचे सर्व दरवाजे बंद करणार

कोयनानगर (सातारा) : गेल्या तीन-चार दिवसांपासून धरण (Koyna Dam) पाणलोट क्षेत्रात मुसळधार पाऊस झाल्याने आज 16 सप्टेंबर 2021 रोजी सकाळी 8 वाजता कोयना धरणाची पाणी पातळी 2161 फूट 11 इंच झाली असून धरणात 103.19 TMC पाणीसाठा झाला आहे.

पाणलोट क्षेत्रामधील पर्जन्यमान कमी झाल्यामुळे धरणामध्ये पाण्याची आवक कमी होत आहे. त्यामुळे आज सकाळी 11 वाजता धरणाचे सर्व वक्र दरवाजे बंद करण्यात येणार आहेत. तसेच, पायथा विद्युत गृहाद्वारे एकूण 2100 क्युसेस विसर्ग नदीपात्रात सोडण्यात येणार असून धरणामधील आवक वाढल्यास सदर विसर्गामध्ये वाढ करण्यात येईल, असेही धरण व्यवस्थापनाने सांगितले आहे.