वाई : परीक्षेला जाण्यासाठी झालेला उशीर, पसरणी घाटात ट्रॅफिक जाम आणि वेळेवर पोहोचणे अशक्य अशा परस्थितीत अडकलेल्या समर्थ महांगडे या विद्यार्थ्याला गोविंद येवले यांनी चक्क पॅराग्लायडिंगच्या साह्याने परीक्षा केंद्रावर पोहचविले..पसरणी (ता.वाई) येथील समर्थ महांगडे हा किसनवीर महाविद्यालयात बीकॉमच्या पहिल्या वर्षात शिकत होता. त्याच्या परिक्षेच्या वेळेमध्ये बदल करण्यात होता. त्याबाबत समर्थला कल्पना नव्हती. दरम्यान, त्याच्या मित्राने त्याला फोन करून आज पेपर असल्याचे कळवले. त्याचवेळी पसरणी घाटात ट्रॅफिक जाम झाले होते. घाटातील वाहनाची लागलेली रांग डोळ्याने दिसत होती.अशा परस्थितीत घरी जाऊन रिसीट व परीक्षेचे साहित्य घेवून वेळेत महाविद्यालयात पोहचणे अशक्य वाटत होते. .थापा (हॅरिसन फॉली) येथे पसरणी गावातील गोविंद येवले हे पॅराग्लायडिंगचा व्यवसाय करतात. समर्थने येवले यांना आपली अडचण सांगितली. गोविंदने पॅराग्लायडिंगच्या साहाय्याने त्याला पाच मिनिटात पसरणी येथील ग्राउंडवर पोहोच केले..समर्थने मित्राला फोन करून अगोदरच आपले परीक्षेचे साहित्य ग्राऊंडवर आणण्यासाठी सांगितले होते. त्याचे मित्र ग्राऊंडवर दुचाकीसह तयारच होते. समर्थने क्षणाचाही विलंब नं करता दुचाकीने महाविद्यालयातील परीक्षा केंद्र गाठले. अगदी शेवटच्या काही मिनिटात तो परीक्षा हॉलमध्ये दाखल झाला. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
