वेण्णा नदीत आढळला परप्रांतीयाचा मृतदेह; पोलिसांची घटनास्थळी धाव
मेढा (सातारा) : मेढा-मोहाट पुलाजवळ एका अज्ञात व्यक्तीचा मृतदेह गुरुवारी सकाळी वेण्णा नदीत (Venna River) आढळून आला. ही बाब मेढा पोलिसांना समजताच मेढा पोलिस ठाण्याचे (Medha Police Station) सहाय्यक पोलिस निरीक्षक अमोल माने, विकास शिंदे यांनी घटनास्थळी धाव घेतली. (The Dead Body Get In Venna River Police Are Immediately Visited There Satara Crime News)
गुरुवारी वेण्णा नदीवर असणाऱ्या मेढा-मोहाट पुलाखाली एक मृतदेह पाण्यावर तरंगताना दिसून आला.
याबाबत मिळालेली अधिक माहिती अशी, गुरुवारी सकाळी ९ च्या सुमारास वेण्णा नदीवर असणाऱ्या मेढा-मोहाट पुलाखाली एक मृतदेह पाण्यावर तरंगताना दिसून आला. या घटनेची माहिती पोलिसांना मिळताच पोलिसांनी घटनास्थळी धाव घेऊन स्थानिक लोकांच्या साहाय्याने मृतदेह पाण्यातून बाहेर काढून शवविच्छेदनासाठी मेढा ग्रामीण रुग्णालयात आणला होता. यावेळी मृतदेहाची ओळख पटली असून मृताचे नाव नारायण रायभोई असल्याचे समजले.
ही व्यक्ती परप्रांतीय असून त्याचे वय ४० वर्ष होते. सदर व्यक्ती मेढ्यातील एका मटणाच्या दुकानावर कामाला होती. दारूच्या नशेत वेण्णा नदीवर मासे पकडण्यासाठी गेला असता नदीत पडून डोक्याला जखम होऊन त्यातच या व्यक्तीचा मृत्य झाला असल्याची माहिती पोलिसांकडून मिळाली. या घटनेचा अधिक तपास मेढा पोलिस ठाण्याचे सहाय्यक पोलिस निरीक्षक माने (Police Amol Mane) यांच्या मार्गदर्शनाखाली विकास शिंदे, अमोल पवार, नितीन कनाके हे करत आहेत.
The Dead Body Get In Venna River Police Are Immediately Visited There Satara Crime News
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.