कातरखटावला चोरट्यांचा धुमाकूळ; पाच कुलूपबंद घरे फोडली

कातरखटाव (जि. सातारा) : कातरखटाव (ता. खटाव) येथे शनिवारी मध्यरात्री गावच्या मध्यभागी असणाऱ्या पाच कुलूपबंद घरांत चोरी झाली, तरीही चोरट्यांनी दीड हजारांची रोकड लंपास केली. पोलिसांकडून मिळालेल्या माहितीनुसार, शनिवारी मध्यरात्री शिवाजी चौकातील लक्ष्मण शिंदे, जानाई चौकातील विक्रम सुतार यांच्या बंद असलेल्या घराचे कुलूप तोडून चोरट्यांनी घरात प्रवेश केला. 

हाती काहीच न लागल्याने त्यांनी भास्कर बागल व रत्नाकर बोडके यांच्या घराकडे मोर्चा वळवत त्यांच्या घरातील झाडाझडती घेतली. तेथील सुटकेस व कपाटातील कपडे विस्कटून टाकली. त्यानंतर माजी सरपंच तानाजी बागल यांच्या शेजारील घरांना बाहेरून कड्या लावल्या व बागल यांच्या घरात प्रवेश करून पासबुकमध्ये ठेवलेले दीड हजार रुपये चोरून नेले. चोरट्यांनी जाताना घरातील सफरचंदावर डल्ला मारला. एकाच रात्री पाच कुलूपबंद घरे फोडून चोरी झाल्याने कातरखटाव व परिसरातील नागरिकांत भीतीचे वातावरण आहे.
 
गेली नऊ महिने कोरोनाशी लढा देत असलेली जनता कुठे तरी पूर्वपदावर येत असतानाच परिसरात चोरीच्या घटना वाढू लागल्याने नागरिकांत पुन्हा एकदा भीतीचे वातावरण निर्माण झाले. या चोऱ्या रोखण्यासाठी पोलिसांनी रात्रगस्त सुरू करण्याची मागणी जनतेतून होत आहे.

सातारकरांनाे! लॉकडाउन टाळणे आपल्याच हाती; अशी घ्या काळजी

साताऱ्यात रुग्ण वाढले; नियमांची अंमलबजावणी सुरु, दुकानदारांसह हॉटेलचालकांवर कारवाई

व्हा लाभार्थी! ३३ टक्के सवलत देऊनच सुरु झालीय FasTag ची अंमलबजावणी

जवान गौरव ससाणेंनी दोन अतिरेक्‍यांना धाडले यमसदनी

थोडं फार होणारच! उदयनराजेंनी गृहराज्यमंत्र्यांच्या भेटीनंतर सोडले मौन

Edited By : Siddharth Latkar