ढेबेवाडी : कारच्या धडकेने दुचाकीस्वाराचा मृत्यू झाला, तर मुलगी जखमी झाली. ढेबेवाडी- सणबूर मार्गावर बनपुरी (ता. पाटण) जवळ साेमवारी सकाळी अकराच्या सुमारास हा अपघात झाला. पांडुरंग बाबूराव एकावडे (वय ५१, रा. एकावडेवाडी सळवे, ता. पाटण) असे मृताचे नाव आहे. रेश्मा मानाजी रोडे (वय २६, रा. रोडेवाडी- मंद्रुळकोळे खुर्द, ता. पाटण) या जखमी झाल्या. श्री. एकावडे आपल्या मुलीला घेऊन पुतण्याच्या साखरपुड्याला निघालेले असताना हा अपघात झाल्याचे सांगण्यात आले.