सातारा पालिकेतील अधिकाऱ्यांच्या बदल्या

सातारा : सातारा नगरपालिकेतील अधिकाऱ्यांचा आज प्रशासकीय कारणास्तव मुख्याधिकारी अभिजित बापट यांनी बदल्या केल्या. त्यानुसार आस्थापना विभागातून अरविंद दामले यांची कार्यालयीन अधीक्षक पदावर बदली करण्यात आली. 

दामले यांच्याकडे वसुली विभागाचाही जबाबदारी सोपविण्यात आली आहे. मिळकत व्यवस्थापक प्रशांत खटावकर यांची आस्थापना विभागप्रमुख म्हणून बदली करण्यात आली आहे. कार्यालय अधीक्षक प्रणिता शेंडगे यांची स्थावर जिंदगी विभागात, वाहतूक विभागाचे प्रणव पवार यांच्याकडील जबाबदारी अग्निशमन निरीक्षक सौरभ साळुंखे यांच्याकडे सोपविण्यात आली आहे. विश्‍वास गोसावी यांच्याकडे निवडणूक शाखेसह स्थावर जिंदगी विभागाच्या लिपिकपदाची जबाबदारी दिली आहे. 

संपादन : बाळकृष्ण मधाळे