नाशिकला निघालेल्या सांगलीच्या व्यापा-यांचा पुणे-बंगळूर महामार्गावर अपघात; दोघे ठार

भुईंज (जि. सातारा) : पुणे-बंगळूर महामार्गावर जोशी विहीर येथील उड्डाणपुलावर ट्रकला पाठीमागून धडक दिल्याने झालेल्या अपघातात दोन ठार, तर चार जण जखमी झाले. या अपघातानंतर ट्रकचालक पळून गेला. सातारा बाजूकडून पुण्याच्या दिशेने जाणाऱ्या कारचालकाने जोशी विहीर उड्डाणपुलावर समोरील ट्रकला पाठीमागून धडक दिल्याने झालेल्या अपघातामध्ये कारमधील सहा जणांना गंभीर दुखापत झाली. उपचारासाठी साताऱ्याला घेऊन जाताना दोघांचा मृत्यू झाला.

सुभाष बाबूराव पाटील (वय 71, रा. बोरगाव, ता. तासगाव) व प्रवीण नामदेव टेगिमाळी (वय 18, रा. दत्त कॉलनी, जत, जि. सांगली) अशी मृतांची नावे आहेत. महेश महादेव नवाळे (वय 42), शुभांगी महेश नवाळे (वय 32), शबाना मोहम्मद पठाण (वय 38, सर्व रा. विटा), प्रणव दीपक लोंढे (वय 21, रा. वाळुंज, ता. खानापूर) अशी जखमींची नावे आहेत.

या सर्वांवर साताऱ्यातील खासगी रुग्णालयात उपचार सुरू आहेत. हे सर्व जण व्यापारी असून ते मंगळवारी काविळ रोगावरील उपचारासाठी नाशिकला निघाले होते. घटनास्थळी पोलिस उपअधीक्षक शीतल जाणवे-खराडे, भुईंजचे सहायक पोलिस निरीक्षक आशिष कांबळे, हवालदार शिवाजी तोडरमल, राजकुमार खताळ आदींनी मदतकार्य केले.

चाईल्ड हेल्प लाइनचा नंबर आला कामी; विद्यार्थिनीवर बलात्कार करणाऱ्या मुख्याध्यापकास सात दिवसांची कोठडी

महाबळेश्‍वरात मुख्याध्यापकाकडून अल्पवयीन विद्यार्थीनीवर अत्याचार; राष्ट्रवादीकडून नराधमाला शिक्षेची मागणी

सदाशिवगड उद्यापासून तीन दिवस बंद; कोरोनाच्या पार्श्वभूमीवर शासनाचे आदेश

ढेबेवाडीत एकाच दिवशी 14 ठिकाणी वणवा; आग विझविण्यासाठी वन कर्मचाऱ्यांची 16 तास झुंज

तारळ्यात विनामास्क फिरणाऱ्यांवर दंडात्मक कारवाईचा धडाका; पोलिसांनी कसली कंबर

Edited By : Siddharth Latkar