खुशखबर! वेण्णालेक बोट क्‍लब पर्यटकांसाठी खुला

खुशखबर! वेण्णालेक बोट क्‍लब पर्यटकांसाठी खुला

महाबळेश्वर (जि. सातारा) : लॉकडाउनमुळे गेली आठ महिने बंद असलेला वेण्णालेक बोट क्‍लब पालिकेच्या वतीने पर्यटकांसाठी खुला करण्यात आला. नौकाविहारासाठी आलेल्या पर्यटकांचे स्वागत पालिकेच्या वतीने फुलांचा वर्षाव करून करण्यात आले. या वेळी मुख्याधिकारी पल्लवी पाटील यांच्यासह नगरसेवक व रोटरी क्‍लबचे पदाधिकारी उपस्थित होते.
 
पर्यटकांचे पालिकेच्या वतीने फुले देऊन स्वागत करण्यात आले. त्यांच्यावर फुलांचा वर्षावही करण्यात आला. या वेळी पालिकेच्या वतीने पेढे वाटण्यात आले. बोट क्‍लब सुरू करण्यापूर्वी पालिकेने परिसराची स्वच्छता करून तो परिसर निर्जंतुक करण्यात आला. सर्व बोटी साफ करून औषध फवारणी करण्यात आली. 

दोन पर्यटकांमध्ये सोशल डिस्टन्सिंगचे पालन करण्यात आले. प्रवेशद्वारावर पर्यटकांचे ऑक्‍सिजन व तापमान घेण्यात येऊन नोंद केली जात आहे. पर्यटकांच्या स्वागतासाठी मुख्याधिकारी पल्लवी पाटील, माजी नगराध्यक्ष युसूफ शेख व विमलताई पारठे, नगरसेवक कुमार शिंदे, संदीप साळुंखे, रवींद्र कुंभारदरे, शारदा ढाणक, विमल ओंबळे व श्रद्धा रोकडे आदी उपस्थित होते. 

संपादन : बाळकृष्ण मधाळे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com