कोयनानगर (सातारा) : कोयना धरण (Koyna Dam) पाणलोट क्षेत्रात पावसाचा जोर (Heavy Rain) पुन्हा वाढल्याने धरणात येणाऱ्या पाण्याची आवक २३ हजार ६१६ क्युसेक झाली आहे. यामुळे धरणाच्या पाणीसाठ्यात अडीच टीएमसीने वाढ झाली असून, धरणातील पाणीसाठा ५२.२९ टीएमसी झाला आहे. मुसळधार पावसाचे माहेरघर अशी ओळख असणाऱ्या कोयना धरण पाणलोट क्षेत्रात सरासरी ५,००० मिलिमीटर पाऊस पडतो. या वर्षी १०५ टक्के पर्जन्यमान होणार असल्याचा अंदाज हवामान खात्याने व्यक्त केला आहे. (Water Level Of Koyna Dam Increased By 2.5 TMC bam92)
कोयना धरण पाणलोट क्षेत्रात पावसाचा जोर पुन्हा वाढल्याने धरणात येणाऱ्या पाण्याची आवक २३ हजार ६१६ क्युसेक झाली आहे.
एक जूनपासून धरणात ३१ टीएमसी पाणीसाठा वाढला आहे. धरणाच्या पाणीसाठ्यात २२ टीएमसीने वाढ झाली आहे. पाणलोट क्षेत्रात ७५ टक्के पाऊस शिल्लक असून, २५ टक्के पर्जन्यमानातच कोयना ५० टीएमसीवर भरले आहे. कोयना धरण पाणलोट क्षेत्रात चोवीस तासांत झालेल्या दमदार पावसामुळे धरणाच्या पाणीसाठ्यात वाढ होत आहे. सोमवारी पाणलोट क्षेत्रात पावसाची संततधार कायमच होती. पाणलोट क्षेत्रातील कोयनानगरला २८, नवजात ४८, तर महाबळेश्वर येथे ७५ मिलिमीटर पावसाची नोंद झाली आहे. धरणाची जलपातळी २१०९.१० फूट असून, धरणात ५२.२९ टीएमसी पाणीसाठा झाला आहे.
Water Level Of Koyna Dam Increased By 2.5 TMC bam92
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
