विमानतळाच्या अटी रद्द करण्यासाठी प्रयत्न करू : बाळासाहेब पाटील

कऱ्हाड ः विमानतळाच्या अटीबाबत अधिक माहिती घेवून त्याचा कऱ्हाड विकासावर परिणाम होणार याची काळजी घेवू अशी ग्वाही सहकार तथा पालकमंत्री बाळासाहेब पाटील यांनी दिली. विमानतळामुळे वीस किलोमीटरच्या अटीचा कऱ्हाडच्या विकासावर परिणाम होत असल्याने क्रीडाई संस्थेचे पदाधिकऱ्यांनी आज पालकमंत्री पाटील यांची भेट गेवून निवेदन दिले. त्यावेळी त्यांनी अश्वासन दिले.

विमानतळाच्या वीस किलोमीटरच्या अटीबाबत अद्यापही स्पष्टता नसली तरी ती अट शिथील करण्यासाठी पाकमंत्री पाटील यांनी प्रयत्न करावेत, यासाठी क्रेडाईच्या पदाधिकाऱ्यांनी त्यांना साकडे घातले. क्रीडाईचे अध्यक्ष महेश पाटील, सतीश यादव, धनंजय कदम, नितीन काटू यांच्यासह पदाधिकारी बैठकीस उपस्थित होते. क्राडीईतर्फे दिलेल्या निवेदनात म्हटले आहे की, कऱ्हाडच्या विकासालाही विमानतळाची अटक मारक आहे. त्यामुळे होणारे नुकसान भरून न येणारे आहे.

विमानतळाचे निकषाचा फेरविचार करून विमानतळाची असणारी अडथळ्यांच्या पृष्ठभागाची फेरतपासणी व्हावी. यावेळी क्रेडाईच्या सदस्यांनी मंत्री पाटील यांना किलो मीटर परिघाचे अंतर भूमितीय मोजणीने साधारण तीन किमी होते. त्यामुळे ते नेमके २० की तीन किलोमीटर आहे, याची माहिती घेवून बांधकाम मर्यादेबाबत निर्णय व्हावा, अशी विनंती केली. यावेळी मंत्री पाटील यांनी त्याबाबत सविस्तर चर्चा केली. विमानतळ अधिकाऱ्यांशी चर्चा करण्याचे अश्वासनही दिले. कऱ्हाडच्या विकासाला मारक असा आदेश लागू होवू देणार नाही, असेही पालकमंत्री पाटील यांनी स्पष्ट केले.