लोणंद (जि. सातारा) : पत्नीस मेसेज का करतो या कारणावरून चिडून येथील दहा ते बारा जणांनी संगनमताने लाकडी दांडक्‍याने केलेल्या मारहाणीत युवकाचा मृत्यू झाला. सूरज बापूराव धायगुडे (वय 23, रा. बाळूपाटलाची वाडी, ता. खंडाळा) असे मृताचे नाव आहे. साेमवारी रात्री साडेनऊ वाजण्याच्या सुमारास लोणंद येथे समाधान ढाब्यासमोर ही घटना घडली आहे. याप्रकरणी 12 ते 15 जणांवर खुनाचा गुन्हा दाखल झाला आहे.
पोलिसांकडून मिळालेल्या माहितीनुसार, लोणंदनजीक गोटेमाळ येथील समाधान ढाब्यावर सूरज धायगुडे यास संशयितांपैकी एकाच्या पत्नीस मॅसेज का करतो या कारणावरून चिडून रोहित धनावडेने मोटारसायकलवर बसवून समाधान ढाबा येथे नेले. तेथे रोहित धनावडे, राकेश माने, गणेश भालेराव, ढाब्याचे मालक मंगेश (आबा) क्षीरसागर व त्यांचा भाऊ राजेश क्षीरसागर, कामगार योगेश कांबळे व अन्य सात ते आठ अनोळखींनी सूरजला लाकडी दांडक्‍याने मारहाण केली. गंभीर जखमी अवस्थेत त्यास पहाटे तीन वाजण्याचे सुमारास लोणंद एसटी स्टॅंडसमोर आणून टाकले. दरम्यान, सूरजला उपचारासाठी पुण्याला नेत असतानाच वाटेतच त्याचा मृत्यू झाला. सूरजचे चुलते राघू धायगुडे यांनी लोणंद पोलिस ठाण्यात फिर्याद दिली.
संशयितांना अटक करण्यासाठी धडपड
फलटणचे पोलिस उपअधीक्षक तानाजी बरडे यांनी घटनास्थळी भेट देऊन लोणंद पोलिस ठाणेचे प्रभारी अधिकारी सचिन राऊळ, पोलिस उपनिरीक्षक गणेश माने यांना गुन्ह्यातील संशयितांना अटक करण्याच्या सूचना दिल्या आहेत. दरम्यान, संशयितांना अटक करण्याचे काम रात्री उशिरापर्यंत सुरू होते. दरम्यान, बाळूपाटलाचीवाडीतील ग्रामस्थांनी लोणंद पोलिस ठाण्याच्या आवारात रात्री उशिरापर्यंत गर्दी केली होती.
दिल्लीच्या जेएनयूचे नाव स्वामी विवेकानंद विद्यापीठ होणार?; केंद्रीय शिक्षणमंत्री निशंक यांची लोकसभेत माहिती
Edited By : Siddharth Latkar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.