5G Network: भारतात 5Gची एन्ट्री पण 4Gचं काय? तुमच्या सिमचं पुढे काय होणार ते वाचा

भारतात आज पंतप्रधान नरेद्र मोदींच्या हस्ते 5G सेवेचं उद्घाटन करण्यात आलं. त्यामुळे आता आणखी वेगवान 5G सेवा भारतात सुरू झाली आहे. मात्र 5G सेवा सुरू झाल्यानंतर 4Gचं काय होणार असाही प्रश्न अनेकांना पडलाय. 5G सिम मार्केटमध्ये आल्यानंतर आता 4G संपूर्णपणे निरूपयोगी तर होणार नाही ना अशीही भिती अनेकांच्या मनात निर्माण झाली आहे.

5G वापरासाठी मोबाईल बदलावा लागणार का?

5G सेवेसाठी मोबाईल तर बदलावा लागणार नाही ना असाही प्रश्न अनेकांच्या मनात निर्माण झालाय. तर माहितीसाठी सध्या लाँच होणाऱ्या जवळपास सगळ्याच फोनमध्ये 5G सेवा कार्यक्षम आहे. काही कंपन्यांनी मोबाईलची किंमत वाढू नये म्हणून 5G ऑप्शन दिलेलं नाही. त्यामुळे आता 5G वापरापूर्वी तुमच्या मोबाईलमध्ये 5G कार्यक्षम असणार आहे की नाही ते तुम्हाला चेक करावे लागणार आहे.

5G लाँचिंगनंतर आता 4G बेकार होणार का?

4G सिम 5G मध्ये बदलता येणार का? असाही प्रश्न अनेकांना पडलाय. 5G सर्व्हिसची सेवा घेण्यासाठी कोणतंही नवीन सिम घ्यावं लागणार नाही. 4G सिममध्येच तुम्हीच 5G सेवेचा वापर करु शकता. त्यासाठी आपल्या स्मार्टफोनमध्ये 4G सेटिंग ऑन करावी लागणार आहे. रिचार्जही 5G पॅकनुसारचं करावं लागणारआहे. ही सेवा एअरटेल ग्राहकांसाठी (Airtel Users) आहे. पण Jio यूसर्ससाठी 5G वापरण्यासाठी आपलं जूनं सिम बदलावलं लागू शकतं.

पहिल्या टप्प्यात या १३ शहरांत सुरू होणार 5G सेवा

दिवाळीपर्यंत देशातील 13 शहरांमध्ये 5G इंटरनेट सेवा सुरु होईल. पहिल्या टप्प्यात मुंबई, पुणे, दिल्ली, चेन्नई, कोलकाता, बंगळुरू, चंदीगड, गुरुग्राम, हैदराबाद, लखनौ, गांधीनगर, अहमदाबाद आणि जामनगर या 13 शहरांमध्ये 5G सेवा सुरु होणार आहे.