Ayushman Sarathi Chatbot
esakal
Ayushman Sarathi Chatbot: आयुष्मान भारत योजनेच्या लाभार्थ्यांसाठी एक आनंदाची आणि महत्त्वाची बातमी आहे. आता आयुष्मान कार्ड तयार करण्यासाठी किंवा योजनेशी संबंधित इतर कामांसाठी सरकारी कार्यालयात फेऱ्या मारण्याची किंवा कॉल सेंटरवर ताटकळत राहण्याची गरज पडणार नाही. केंद्र सरकारने लाभार्थ्यांच्या सुविधेसाठी 'आयुष्मान सारथी' (Ayushman Sarathi) नावाचा एक नवीन व्हॉट्सॲप चॅटबॉट (WhatsApp Chatbot) सुरू केला आहे.
केंद्रीय आरोग्य मंत्री जेपी नड्डा यांनी सोमवारी या नवीन सुविधेचे उद्घाटन केले. या चॅटबॉटमुळे लोकांना २४ तास कधीही आणि सोप्या पद्धतीने आरोग्य सेवांची माहिती व लाभ मिळवता येईल.
