Government Sites: शिक्षणापासून ते नोकरीपर्यंत... खूपच उपयोगी येतील 'या' ३ सरकारी वेबसाइट्स

Best Government Websites: सरकार तरुणांना शिक्षण व नोकरीचे वेगवेगळे मार्ग उपलब्ध व्हावेत, यासाठी सातत्याने नवनवीन योजना आणत असते. डिजिटल माध्यमातून तरुणांना नवनवीन गोष्टी शिकण्यास मदत व्हावी, यासाठी सरकारचा प्रयत्न असतो.

अशा अनेक वेबसाइट सरकारने सुरू केल्या आहेत, ज्याचा उपयोग तरुणांना शिक्षण व रोजगारासाठी होऊ शकतो. या साइटच्या माध्यमातून मोफत स्टडी मटेरियल, मोठ्या कंपन्यांमध्ये इंटर्नशिपची सुविधा आणि नोकरी शोधण्यास मदत होईल. या वेबसाइट्सविषयी जाणून घेऊया.

हेही वाचा: आरामात फेडू शकाल अशीच घ्या कर्जे....

Swayam.gov.in

ज्या लोकांना स्वतः काहीतरी नवीन शिकायचे आहे, त्यांना ही वेबसाउट उपयोगी येईल. यावर वेगवेगळे स्टडी मटेरियल मोफत उपलब्ध आहे. तुम्ही हा अभ्यास पीडीएफ स्वरुपात डाउनलोड करू शकता. तुम्हाला एखादे टेक्निकल काम शिकायचे असल्यास येथे काही सॉफ्टवेअर देखील मिळतील. ही वेबसाइट पूर्णपणे मोफत आहे. साइटवर अनेक पुस्तके देखील मोफत उपलब्ध आहेत.

aicte.internship-india.org

कॉलेजमध्ये शिकत असताना विद्यार्थी कमाईचे देखील मार्ग शोधत असतात. तुम्ही देखील पार्ट टाइम नोकरी अथवा इंटर्नशिपच्या शोधात असाल, तर या वेबसाइटचा उपयोग होईल. गुगल सारख्या मोठ्या कंपनीत इंटर्नशिप करायची असल्यास या वेबसाइटची मदत घेऊ शकता. इंटर्नशिपनंतर तुम्ही या कंपन्यांमध्ये नोकरीसाठी अर्ज देखील करू शकता. ही एक सरकारी वेबसाइट आहे.

ncs.gov.in

अनेकजण असे असतात ज्यांचे शिक्षण तर झाले असते पण नोकरी नसते. पदवी, पदव्युत्तर शिक्षण झाल्यानंतरही नोकरी नसल्यास या वेबसाइटची मदत घेऊ शकता. या वेबसाइटवर तुम्ही शिक्षणाच्या आधारावर सरकारी व खासगी कंपन्यांमध्ये नोकरीसाठी अर्ज करू शकता. तुमच्या ओळखीच्या व्यक्तीला नोकरी हवी असल्यास या वेबसाइटचा उपयोग होईल.