Bill Gates Wrist Watch : बिल गेट्स कोणतं घड्याळ वापरतात? किंमत ऐकून व्हाल थक्क.. जाणून घ्या

Bill Gates Watch Price : जगभरातील कित्येक लोकांना महागडी घड्याळं घालण्याची आवड असते. त्यातच सेलिब्रिटी कोणतं घड्याळ वापरतात हे जाणून घेण्याची उत्सुकता देखील सर्वांना असते. काही दिवसांपूर्वीच अनंत अंबानी यांच्या घड्याळाची चर्चा सगळीकडे सुरू होती. मात्र मायक्रोसॉफ्टचे सह-संस्थापक आणि अब्जाधीश बिल गेट्स कोणतं घड्याळ वापरतात हे तुम्हाला माहिती आहे का?

अब्जाधीश असल्यामुळे बिल गेट्स देखील अगदी कोट्यवधी किंमतीचं महागडं घड्याळ वापरतात असं जर तुम्हाला वाटत असेल; तर तुम्ही सपशेल चुकलाय. कारण बिल गेट्स हे आजही अगदी साधं असं कॅसिओ घड्याळ वापरतात.

कॅसिओ कंपनीचं घड्याळ

बिल गेट्स हे Casio MDV-106 Duro हे घड्याळ वापरतात. कित्येक वेळा त्यांनी हे घड्याळ घातलेलं पाहण्यात आलं आहे. बिल गेट्सकडे या घड्याळाचं अगदी जुनं मॉडेल आहे, ज्यावर मर्लिन माशाचा लोगो आहे. कंपनीने हा लोगो वापरणं आता बंद केलं आहे.

किती आहे किंमत?

कॅसिओच्या MDV-106 Duro या घड्याळाची किंमत अमेझॉनवर 11,337 रुपये आहे. सेलमध्ये तुम्ही हे घड्याळ अवघ्या आठ ते दहा हजार रुपयांना खरेदी करू शकता.

ही एक एनालॉग वॉच आहे. यामध्ये 200M वॉटर रझिस्टंस, वन-वे रोटेटिंग बेझल, स्क्रू-डाऊन क्राऊन, मिनरल ग्लास, डेट डिस्प्ले असे फीचर्स मिळतात.

असामान्यांच्या सामान्य गोष्टी

केवळ बिल गेट्सच नव्हे, तर अ‍ॅपल कंपनीचे संस्थापक स्टीव्ह जॉब्स देखील साधंच घड्याळ वापरत होते. ते नेहमी 33mm Seiko हे घड्याळ वापरत. तर फेसबुकचे संस्थापक आणि मेटाचे सीईओ मार्क झुकरबर्ग देखील अगदी साध्या प्रकारच्या कपड्यांमध्ये दिसून येतात. दैनंदिन वापरासाठी ते एकाच रंगाचा टी-शर्ट वापरतात. केवळ ठराविक कार्यक्रमांनाच ते सूट किंवा इतर कपड्यांमध्ये दिसतात.