WhatsApp वापरणाऱ्या लाखो लोकांसाठी एक मोठा धोक्याचा इशारा आहे. एका प्रगत स्पायवेअर हल्ल्यामुळे २४ देशांमधील वापरकर्त्यांची सुरक्षा धोक्यात आली आहे. विशेष म्हणजे, या हल्ल्यासाठी कोणत्याही लिंकवर क्लिक करण्याची गरज नाही. तुमचे अकाउंट थेट हॅक होऊ शकते.
Meta (WhatsApp ची मूळ कंपनी) ने पुष्टी केली आहे की हॅकर्सनी WhatsApp वर थेट हल्ला केला आहे. या "झिरो-क्लिक हॅकिंग" तंत्राचा वापर करून, हॅकर्स कोणत्याही वापरकर्त्याच्या फोनमध्ये प्रवेश करू शकतात, अगदी कोणत्याही कारवाईशिवाय! याचा अर्थ असा की वापरकर्त्याने कोणतीही लिंक क्लिक करण्याची आवश्यकता नाही, तरीही त्यांचा डेटा धोक्यात येऊ शकतो.
हा हल्ला एका प्रसिद्ध इस्रायली सायबर सुरक्षा कंपनी "Paragon Solutions" च्या स्पायवेअरच्या मदतीने करण्यात आला आहे. हा स्पायवेअर पत्रकार, सामाजिक कार्यकर्ते आणि मानवाधिकार संस्था यांच्या WhatsApp अकाउंट्स हॅक करण्यासाठी वापरण्यात आला आहे.
या हल्ल्याचे अनेक बळी समोर आले असून त्यामध्ये प्रसिद्ध इटालियन पत्रकार फ्रान्सेस्को कॅन्सेलेटो आणि मानवतावादी कार्यकर्ते लुका कासारिनी यांचा समावेश आहे.
इटलीच्या पंतप्रधान जॉर्जिया मेलोनी यांच्या कार्यालयाने या सायबर हल्ल्याचा तीव्र निषेध केला असून, राष्ट्रीय सायबर सुरक्षा संस्थेला याची चौकशी करण्याचे आदेश दिले आहेत. मात्र, सुरक्षा कारणास्तव संपूर्ण पीडितांची नावे जाहीर करण्यात आलेली नाहीत.
जर तुम्ही WhatsApp वापरत असाल, तर तुमचा डेटा सुरक्षित ठेवण्यासाठी त्वरित या 3 गोष्टी करा.
WhatsApp त्वरित अपडेट करा
टू-स्टेप व्हेरिफिकेशन सुरू करा
अनोळखी कॉल आणि संदेश टाळा
सध्या, झिरो-क्लिक हॅकिंग हे एक गंभीर सायबर धोका बनले आहे. त्यामुळे, WhatsApp वापरकर्त्यांनी सावध राहून सुरक्षिततेसाठी आवश्यक पावले उचलण्याची गरज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
