Chandrayaan - 3 Google Doodle : 'चांद्रयान -३' यशस्वी मोहिमेचं गुगलकडून कौतुक, तयार केलं खास Google Doodle

Chandrayaan - 3 Google Doodle : गुगल खास क्षण कायम गुगल डूडलच्या मदतीने साजरे करत असतो. चांद्रयानाची यशस्वी मोहिम भारतासाठी गर्वाची बाब असून याचे जगभरातून कौतुक होताना दिसतेय. गुगलने चंद्रयान-३ मोहिम यशस्वी ठरल्याबद्दल खास गुगल डूडल तयार केलं आहे.

चंद्रावर सॉफ्ट लँडिंगचा टप्पा काल संध्याकाळी ६ वाजून ४ मिनिटांनी पार पडला. भारतासाठी हा क्षण अत्यंत गर्वाचा होता. भारताची मान संपूर्ण जगभरात यावेळी गर्वाने उंचावली. या मोहिमेच्या यशस्वीतेसाठी शास्त्रज्ञांची दिवसरात्र केलेली मेहनत होती. तर हा क्षण यशस्वीपडे पार पडताना बघण्यासाठी काल संपूर्ण भारतीयांचे लक्ष स्क्रिनवर या क्षण बघण्याकडे लागलेले होते. (Technology)

आजवर जगातील 12 देशांनी चंद्राला स्पर्श करण्यासाठीचा प्रयत्न केला आहे. यासाठी सुमारे 141 मोहिमा केल्या आहेत. त्यापैकी 59 मोहीम या यशस्वी होऊ शकल्या नाहीत. पाच मोहिमांना काहीस यश मिळालं तर 69 मोहिमा यशस्वी मानल्या गेल्या. (Chandrayaan)