Tuljabhavani Sinhasan Pooja Booking : तुळजाभवानी देवीच्या सिंहासन पूजेला जायचंय; ऑनलाइन नोंदणी कशी कराल?

Shree Tulja Bhavani News : तुळजापूर येथील कुलस्वामिनी तुळजाभवानी देवीच्या दर्शनासाठी राज्यासह इतर ठिकाणांहून भाविक कुलाचार व कुलधर्म करण्यासाठी येतात. त्यामध्ये देवीची सिंहासन पूजा महत्त्वाची मानली जाते. ही सिंहासन पूजा नोंदणी ऑनलाइन पद्धतीने तुळजाभवानी मंदिर संस्थानच्या https://shrituljabhavanitempletrust.org या अधिकृत संकेतस्थळावर उपलब्ध करून देण्यात येणार आहे.

ऑगस्टमधील सिंहासन पूजा ऑनलाइन पद्धतीने स्वीकारण्यात येणार आहे. भाविकांनी सिंहासन पूजा तुळजाभवानी मंदिर संस्थानचे अधिकृत संकेतस्थळ https://shrituljabhavanitempletrust.org यावरून सिंहासन पूजा पास बुकिंग या मेन्युवर क्लिक केल्यानंतर https://shrituljabhavanimataseva.org या लिंकवर प्रवेश करून नोंदणी करावी.

सिंहासन पूजा नोंदणी ता. २१ जुलैला सकाळी दहा वाजेपासून सुरू होणार आहे. ती ता. २६ जुलैला सकाळी दहा वाजेपर्यंत करता येईल. ऑनलाइन ड्रॉ पद्धतीने प्रथम सोडत व भाविकांना पेमेंटसाठी एसएमएस ता. २७ जुलैला साडेदहा वाजता पाठविण्यात येतील.

भाविकांनी प्रथम सोडतीचे ऑनलाइन पेमेंट ता. २८ जुलैला सकाळी दहा वाजेपर्यंत करावे. जून महिन्यातील अंतिम सिंहासन पूजा बुकिंग झाल्याची यादी ता. ३० जुलैला सायंकाळी पाच वाजेपर्यंत प्रसिद्ध करण्यात येणार असल्याची माहिती मंदिर प्रशासनाने दिली आहे.