Redmi ख्रिसमस सेल! स्मार्टफोन, लॅपटॉप अन्‌ इयरबड्‌सवर बंपर सवलत

ख्रिसमस (Christmas) अगदी जवळ आला आहे आणि या सणाला कॅश करण्यासाठी ई-कॉमर्स प्लॅटफॉर्म (E-Commerce) आणि टेक (Tech) कंपन्यांनी आधीच आकर्षक ऑफर आणि डील देऊन ग्राहकांना आकर्षित करण्यास सुरुवात केली आहे. ख्रिसमस हा भेटवस्तू देण्याचा सण आहे आणि अशा परिस्थितीत, तुमच्या प्रियजनांना काय गिफ्ट द्यायचे या संभ्रमात असाल, तर Redmi च्या ख्रिसमस सेलमध्ये तुमच्यासाठी खूप काही आहे. ख्रिसमस सेल सीझनच्या (Christmas Sale Eeason) पार्श्वभूमीवर Redmi ने स्मार्टफोन (Smartphone), लॅपटॉप (Laptop) आणि इयरबड्‌ससह (Earbuds) त्याच्या उत्पादनांच्या किमतींमध्ये मोठी घट जाहीर केली आहे. येथे तुमच्या सोयीसाठी Redmi कडील सर्वोत्कृष्ट ख्रिसमस सौदे सूचीबद्ध केले आहेत जे तुम्ही एकतर एखाद्याला भेट देऊ शकता किंवा स्वतःसाठी खरेदी करू शकता. जाणून घ्या बेस्ट डीलबाबत... (Huge discounts on Redmi smartphones, laptops and earbuds for Christmas)

Redmi Note 11T 5G

हा 5G स्मार्टफोन ड्युअल 5G स्टॅंडबाय सपोर्ट, हायब्रिड सिम स्लॉट आणि चिपसेटवर इंटिग्रेटेड मॉडेमसह 6nm MediaTek Dimensity 810 प्रोसेसरद्वारे समर्थित आहे. Redmi Note 11T 5G 5000mAh बॅटरी आणि 33W फास्ट चार्जरसह येतो. त्याच्या कॅमेऱ्याबद्दल बोलायचे झाल्यास, यात 16MP सेल्फी कॅमेरासह 50MP प्रायमरी आणि 8MP अल्ट्रा-वाइड लेन्सचा ड्युअल रिअर कॅमेरा (Camera) सेटअप आहे. ग्राहकांना कंपनीच्या अधिकृत वेबसाइटवर 21 डिसेंबर रोजी 15,999 रुपयांच्या प्रारंभिक ऑफर किमतीवर हा फोन मिळू शकेल.

Redmi 9i आणि Redmi 9A

MediaTek Helio G25 सह सुसज्ज, Redmi 9i HD+ IPS डिस्प्लेसह येतो. 5000 mAh ची मोठी बॅटरी असलेला हा फोन ख्रिसमस सेलमध्ये रुपये 8499 च्या किमतीत उपलब्ध असेल. तर, डॉट-नॉचसह HD+ LCD IPS डिस्प्लेसह, Redmi 9A स्मार्टफोन फक्त रुपये 6,999 च्या सुरुवातीच्या किमतीत उपलब्ध असेल. ऑफर 21 डिसेंबरपर्यंत वैध आहे.

RedmiBook 15 सिरीज

केवळ स्मार्टफोनच नाही तर कंपनी आपल्या लॅपटॉपवरही मोठ्या प्रमाणात सूट देत आहे. 10 तासांच्या दीर्घ बॅटरी लाइफसह RedmiBook 15 Pro नवीनतम 11व्या जनरेशन इंटेल टायगरलेक कोअर i5-11300H आणि RedmiBook 15 ई-लर्निंग एडिशन 11व्या जनरेशन इंटेल टायगरलेक कोअर i3-1115G4 ने सुसज्ज आहे. ख्रिसमस सेल दरम्यान तुम्ही RedmiBook ई-लर्निंग एडिशन रु. 34,499 च्या प्रारंभिक ऑफर किमतीवर आणि RedmiBook 15 Pro रु. 43,499 मध्ये मिळवू शकता. ही ऑफर फक्त 22 डिसेंबरपर्यंत वैध आहे.

Redmi Earbuds 3 Pro

तुमचा म्युझिक (Music) अनुभव वाढवण्यासाठी किंवा एखाद्याला भेट देण्यासाठी Redmi Earbuds 3 Pro हा असाच एक पर्याय आहे. Bluetooth 5.2 तंत्रज्ञानासह तुम्ही Redmi Earbuds 3 Pro ख्रिसमस सेलदरम्यान फक्त रु. 2,499 च्या सवलतीच्या किमतीत खरेदी करू शकता. ऑफर 21 डिसेंबरपर्यंत वैध आहे. इयरबड्‌स गुलाबी, पांढऱ्या आणि निळ्या रंगात उपलब्ध आहेत.