इन्स्टाग्रामवरील सर्व माहिती डाउनलोड करा!

फेसबुकच्या माध्यमातून केंब्रिज ॲनालिटिकाने केलेल्या डेटाचोरीचे प्रकरण उघड झाल्यानंतर यूजरच्या वैयक्तिक माहितीसंदर्भातील नियमांमध्ये बदल करण्यास सुरवात झाली आहे. तुम्ही इन्स्टाग्राम वापरत असाल तर आता तुम्हाला हवे तेव्हा तुमची सर्व वैयक्तिक माहिती, शेअर केलेले सर्व फोटो, व्हिडिओ, प्रोफाइल, कॉमेन्ट, डायरेक्‍ट मेसेजसह अशा बऱ्याच गोष्टी डाउनलोड करून अकाउंट डिलिट करण्याचा पर्याय या ॲपमध्ये उपलब्ध करून देण्यात आला आहे. व्हॉट्‌सॲपसाठीही ही सुविधा लवकरच उपलब्ध करून देण्यात येणार आहे. इन्स्टाग्राम आणि व्हॉट्‌सॲपची मालकी फेसबुककडे आहे.