Twitter वरील फॉलोअर्स अचानक कमी झालेत? हे असू शकतं कारण

Twitter
TwitterSakal

नवी दिल्ली : तुमच्याही ट्विटरवरील (Twitter) फॉलोअर्स अचानक कमी झालेत का? पण, फॉलोअर्स कमी होणारे तुम्ही एकटे नाहीत. अनेकांचे ट्विटरवरील फॉलोअर्स गुरुवारी रात्री अचानक कमी झाले आहेत. फॉलोअर्स हजारपासून शंभरापर्यंत आल्याच्या तक्रारी देखील अनेकांनी केल्या आहेत. मात्र, अद्याप ट्विटरने याबाबत खुलासा केलेला नाही.

Twitter
Omicron : अमेरिका सावध; 4 रुग्ण आढळताच प्रवासावर लावले निर्बंध

सध्या सोशल मीडियावर फेक अकाऊंटची संख्या वाढली आहे आणि तेच या कंपन्यांसाठी डोकेदुखी देखील बनली आहे. त्यामुळे ट्विटरसारखे मोठे सोशल मीडिया प्लॅटफॉर्म असे अकाऊंट शोधणे आणि ते डिलिट करण्यासाठी एक मोहीम राबवत असतात. कदाचित त्यामुळेच अनेकांचे फॉलोअर्स कमी झाले असावेत अशी शक्यता वर्तवली जात आहे. फोन नंबर आणि पासवर्ड यारसाख्या तपशीलाची पुन्हा खात्री करण्यास ट्विटर विचारते. जोपर्यंत या तपशीलाची संबंधित अकाऊंवरून पुष्टी केली जात नाही तोपर्यंत ट्विटर त्या अकाऊंटचा फॉलोअर्समध्ये समावेश करत नाही. ट्विटरवरून होणारी फसवणूक, काही गुन्हेगारीच्या घटना टाळण्यासाठी कंपनीने हे पाऊल उचलले आहे.

गेल्या जून महिन्यात देखील ट्विटरने असाच एक प्रयोग केला होता. त्यावेळी अभिनेता अनुपम खेरने ३६ तासांत ८० हजार ट्विटर फॉलोअर्स गमावल्याचे ट्विट केले होते. त्यावेळी ट्विटरने सांगितले होते की, ''तुम्हाला वेळोवेळी फॉलोअर्सची संख्या कमी झालेली दिसेल. कारण आम्ही अनेक अकाऊंटला पासवर्ड आणि फोन नंबरची खात्री करण्यास सांगतो. जोपर्यंत या माहितीची पुष्टी होत नाही तोपर्यंत त्यांचा फॉलोअर्समध्ये समावेश करत नाही. ट्विरवरील घोटाळे टाळण्यासाठी आणि सर्व ट्विटर अकाऊंट सुरक्षित ठेवण्यासाठी आम्ही हे करत असतो.

दरम्यान, अनेक सोशल मीडिया युजर्सने यावर मीम्स देखील बनवले आहेत. यावरून सोशल मीडियावर सध्या मीम्सचा पाऊस पडला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com