जिओचा ग्राहकांना दणका; आता तुम्हाला किती पैसे मोजावे लागतील जाणून घ्या  

सकाळ वृत्तसेवा
बुधवार, 9 ऑक्टोबर 2019

  • दिवाळीच्या तोंडावर ग्राहकांना रिलायन्स जिओचा दणका
  • अन्य मोबाईल नेटवर्कवरील आउटगोईंग कॉल सशुल्क
  • आउटगोईंग कॉलसाठी करावं लागणार टॉपअप

टेलिकॉम इंडस्ट्रीत खळबळ उडवून देणाऱ्या रिलायन्स जिओनं अचानक आउटगोईंग कॉलसाठी पैसे मोजावे लागणार असल्याची घोषणा केलीय. या घोषणेमुळे जिओच्या ग्राहकांमध्ये खळबळ उडालीय.

रिलायन्स जिओची आउटगोईंग सेवा आता सशुल्क होणाराय. ग्राहकांनी अन्य नेटवर्कवर कॉल केल्यास त्यासाठी दर मिनिटाला 6 पैसे शुल्क आकारलं जाईल. ग्राहकांना जिओ ते जिओ सेवा मोफत असेल. तसंच जिओ ते लँडलाईन कॉलसाठीही पैसे मोजावे लागणार नाहीत. जिओच्या नेटवर्कवरून व्हॉट्सअॅऍप आणि इनकमिंग कॉलही मोफत असतील.

 

 

जिओच्या ग्राहकांना अन्य नेटवर्कवर कॉल करण्यासाठी वेगळं आययूसी टॉपअप करावं लागेल आणि या निर्णयाची अंमलबजावणी तडकाफडकी म्हणजे गुरुवारपासूनच होणाराय. ही निर्णय पोस्टपेड सेवेसाठीही लागू आहे.

ग्राहकांसाठी जिओनं वेगवेगळे पर्याय दिले आहेत. मात्र, येत्या काळात मोबाईल क्षेत्रात आणखी काही घडामोडी दिसल्या तर आश्चर्य वाटायला नको.

WebTitle : Jio customers will have to pay 6 paisa per min for calling to other companies customers


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: marathi news Jio customers will have to pay 6 paisa per min for calling to other companies customers