Mobile Vibration : खिशात मोबाईल व्हायब्रेट होत असल्याचा होतोय भास? गंभीर आजाराचं आहे लक्षण

सतत मोबाईल वापरल्यामुळे तो आपल्या शरीराचाच भाग आहे, असं लोकांना वाटू लागतं.
Mobile Vibration
Mobile VibrationEsakal

बऱ्याच वेळा आपल्याला खिशात मोबाईल व्हायब्रेट होत असल्याचा भास होतो. आपण खिशातून मोबाईल काढून पाहतो, मात्र कोणताही कॉल किंवा नोटिफिकेशन आलेली नसते. आपल्यापैकी कित्येकांसोबत एकदा तरी असं झालेलंच आहे. मात्र हीच गोष्ट वारंवार होत असेल, तर हा एक गंभीर आजार असू शकतो.

जॉर्जिया विद्यापीठाने केलेल्या एका रिसर्चनुसार, जगभरातील सुमारे ९० टक्के मोबाईल यूजर्सना किमान एकदा तरी असा अनुभव आला आहे. सतत मोबाईल वापरल्यामुळे तो आपल्या शरीराचाच भाग आहे, असं लोकांना वाटू लागतं. यामुळे मग अचानक एखाद्या वेळी फोन व्हायब्रेट झाल्यासारखं वाटतं असं संशोधकांनी म्हटलं आहे.

Mobile Vibration
Gaming Officer : केवळ मोबाईल गेम खेळून मिळवा १० लाख रुपये! 'या' कंपनीने दिली बंपर ऑफर

चष्म्याचं दिलं उदाहरण

याबाबत अधिक माहिती देत असताना शास्त्रज्ञांनी चष्म्याचं उदाहरण दिलं. एखाद्या चष्मा वापरणाऱ्या व्यक्तीला कधी कधी आपल्या डोळ्यावर चष्मा असलेलंही लक्षात राहत नाही. कारण या व्यक्तीला चष्म्याची एवढी सवय झालेली असते, की तो त्याच्या शरीराचा भागच वाटतो. मोबाईलचा अतिवापर (Mobile excessive use) केल्यामुळेही असंच होत आहे.

फँटम व्हायब्रेशन सिंड्रोम

या आजाराला शास्त्रज्ञांनी फँटम व्हायब्रेशन सिंड्रोम (Phantom Vibration Syndrome) असं नाव दिलं आहे. रिसर्चमध्ये असं दिसून आलं, की एखाद्या मेसेज किंवा कॉलची वाट पाहत असताना अशा प्रकारचे भास अधिक होतात. काही लोकांना दिवसभरात दोन-तीन वेळा हे भास होतात, तर काहींना आठवड्यातून एक-दोन वेळा.

Mobile Vibration
Smartphone Tips : कामासाठी सतत वापरावा लागतोय मोबाईल? डोळ्यांचं नुकसान टाळण्यासाठी फॉलो करा या टिप्स

काय आहे धोका?

सध्या आपण सर्वच गोष्टींसाठी मोबाईल वापरत असल्यामुळे फँटम व्हायब्रेशन ही अगदी सामान्य बाब झाली आहे. थोड्या प्रमाणात असं होणं ही धोक्याची बाब नसली, तरीही याचं प्रमाण वाढल्यावर मात्र खबरदारी घेणं गरजेचं आहे. अ‍ॅन्झायटी, अस्वस्थता अशा आजारांचं हे लक्षण असू शकतं.

तुम्हालाही असे भास वारंवार होत असतील, तर वेळीच मोबाईलचा वापर कमी करावा. अगदीच गरज भासल्यास तज्ज्ञांशी संपर्क साधावा.

Mobile Vibration
Mobile Laptop च्या अतिवापराने वाढतोय Tech Neckचा धोका, होऊ शकतात गंभीर परिणाम

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com