Helmet Use: हेल्मेट झालं सक्तीचं! दुचाकीवरील एकालाच नाही, तर दोघांनाही

विजय देऊळगावकरआता दुचाकी चालवणाऱ्यासह त्याच्या मागे बसलेल्या व्यक्तीलाही हेल्मेट धारण करावे लागणार आहे. राज्याच्या वाहतूक शाखेचे अपर पोलिस महासंचालक अरविंद साळवे यांनी नुकताच या बाबत आदेश काढला. राज्यातील सर्व पोलिस आयुक्त, पोलिस अधीक्षकांना याबाबत कडक कारवाई करावी, असे आदेशात म्हटले आहे. .राज्यात पाच वर्षांच्या रस्ते अपघाताचा आढावा घेण्यात आला. अपघातग्रस्तांमध्ये विना हेल्मेट दुचाकी चालक आणि त्याच्या मागे बसलेल्यांची संख्या अधिक आहे. यात अनेकांचा जीवही गेलेला आहे. राज्यात हेल्मेट सक्ती असताना पोलिसांकडून हेल्मेटबाबत प्रभावी अंमलबजावणी होत नसल्याचे आदेशात म्हटले आहे. त्यामुळे घटक प्रमुखांनी सर्वोच्च न्यायालयाच्या रस्ते सुरक्षा समितीने दिलेल्या सूचनांची माहिती सर्व पोलिस अधिकारी आणि अंमलदार यांना द्यावी, मोटार वाहन कायद्याची कडक अंमलबजावणी करावी, असे आदेशात नमूद केले. शिवाय वाहतूक केसेसकरिता वापरण्यात येणाऱ्या ई चालान मशीनमध्ये विना हेल्मेट दुचाकीस्वार आणि विना हेल्मेट पिलीयन रायडर (मागे बसलेली व्यक्ती) यांच्यावरील केसेसची कारवाई एकाच कलमामध्ये होत असल्याने त्यांच्यावरील कारवाईची वेगवेगळी माहिती मिळत नव्हती. त्यामुळे दोन्ही कारवाया वेगवेगळ्या कराव्या, असेही आदेशात नमूद करण्यात आले आहे..आतापर्यंतची कारवाई अशीशहर पोलिस आयुक्तालयाच्या वाहतूक शाखेने जानेवारी २०२४ ते नोव्हेंबर २०२४ या कालावधीत तब्बल १७ हजार ४९९ दुचाकीस्वारांवर हेल्मेट धारण केले नाही म्हणून कारवाई केली. या दुचाकीस्वारांना १ कोटी २३ लाख ८५ हजार रकमेचे दंड आकारण्यात आला.वर्षभरात २८५ जणांचा अपघाती मृत्यूवर्षभरात शहर आणि जिल्ह्यात एकूण ५४३ अपघाताच्या घटना घडल्या. यामध्ये प्राणांतिक अपघातासह किरकोळ अपघाताचाही समावेश आहे. प्राणांतिक अपघातात २८५ जणांचा मृत्यू झाला. विशेष बाब म्हणजे प्राणांतिक अपघातामध्ये मोठ्या वाहनांचे अपघात होण्याची संख्या नगण्य असून, त्या तुलनेत दुचाकीस्वारांच्या अपघाताची संख्या जास्त आहे. यात ९० टक्क्यांपेक्षा अधिक दुचाकीस्वारांनी हेल्मेट घातलेले नव्हते..एक हेल्मेट किती वर्ष वापरावे?ब्रॅण्डेड कंपनीचे हेल्मेट दीर्घ काळ टिकते. पण, अनेकदा अपघातामुळे त्याचा आतील भाग खराब होतो. तसे झाले तर ते बदलावे. हेल्मेटमधील महत्त्वपूर्ण हिस्सा वायजरचा असतो. काही काळानंतर त्यावर क्रॅक दिसू लागतात किंवा ते खराब होऊ लागतात. यामुळे त्याची पारदर्शकता बिघडते. त्यामधून व्यवस्थित दिसत नाही. त्यामुळे अपघात होण्याची शक्यता असते. तुमचे हेल्मेट जर ब्रँडेड असेल, तर अशा हेल्मेटचे वायजरदेखील मार्केटमध्ये मिळतात.नॉन-ब्रँडेड हेल्मेट खरेदी केले तर?हेल्मेट खरेदी करता, तेव्हा ते ब्रँडेड कंपनीचेच असावे. कोणतेही नॉन-ब्रँडेड हेल्मेट खरेदी करू नका. नवीन हेल्मेटची किंमत अंदाजे पाचशे रुपयांपेक्षा कमी असेल तर ते सुरक्षेच्या दृष्टीने चांगले नाही. हेल्मेटवर आयएसआय मार्क असणे आवश्यक आहे. आयएसआय स्टँडर्डनुसार हेल्मेटचे वायजर न तुटणारे व त्यावर अॅक्टिव्ह कोटिंग असणे आवश्यक असते..हेल्मेटचा आकार कसा असावा?कार्बन फायबर हेल्मेट सर्वांत हलके आणि मजबूत असते. परंतु, त्याची किंमत १५ हजार रुपयांपर्यंत असते. किमतीमुळे अनेकांना ते खरेदी करणे सोपे नाही. तसेच हेल्मेट घेताना तुमच्या डोक्याच्या आकाराकडे देखील लक्ष द्या. जर तुमच्या डोक्याचा आकार ५८ सीएम असेल तर तुम्ही ६० सीएम हेल्मेट खरेदी केले पाहिजे. जेणेकरून त्याचं फिटिंग चांगलं राहतं.‘सकाळ’च्या वाचकांना आवाहनसर्वच रस्त्यांवर हेल्मेट सक्ती असावी का, की केवळ महामार्ग, जिल्हा मार्गावर ती असावी? शहरातील रहिवाशांना बऱ्याच वेळा दोन ते तीन किलोमीटरच्या अंतरावर मुलांना शाळेत सोडायला जावे लागते. कधी १० ते १५ मिनिटांसाठी मार्केटला जावे लागते. त्यामुळे शहरातल्या शहरात दुचाकीवर प्रवास करताना हेल्मेट सक्ती आवश्यक आहे की नाही, यावर तुम्हाला काय वाटते ते पुढील मेलवर आम्हाला कळवा. सोबत तुमचे पोसपोर्ट आकाराचे छायाचित्रही पाठवा. तुमच्या मतांना आम्ही प्रसिद्धी देऊ....सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Helmet Use: हेल्मेट झालं सक्तीचं! दुचाकीवरील एकालाच नाही, तर दोघांनाही

Related Stories