Royal Enfield Hunter 350 : बाईक प्रेमींसाठी खुशखबर! मार्केटमध्ये आली Royal Enfield Hunter 350; जबरदस्त फीचर्स पाहा एका क्लिकवर

Hunter 350 Bike Details : रॉयल एनफिल्डने आपली लोकप्रिय बाईक Hunter 350 म्हणजेच 2025 Hunter 350 अधिकृतपणे लॉंच केली आहे. ही दमदार बाईक कंपनीच्या पहिल्यावहिल्या स्ट्रीट कल्चर फेस्टिव्हल ‘HunterHood’ दरम्यान एकाच वेळी मुंबई आणि दिल्ली येथे प्रदर्शित करण्यात आली. नव्या अवतारात हंटर 350 अधिक आकर्षक, तांत्रिकदृष्ट्या प्रगत आणि रायडर्ससाठी अधिक आरामदायक ठरणार आहे.

नवीन रंग आणि डिझाईन अपडेट्स

नव्या 2025 हंटर 350मध्ये तीन नव्या रंगसंगती आहेत. त्यामध्ये रिओ व्हाईट, टोकियो ब्लॅक आणि लंडन रेड. या रंगांमुळे बाईकला आधुनिक आणि तरुणाईला भावणारा रफ अँड टफ लूक प्राप्त झाला आहे. याशिवाय, बाईकचा ग्राउंड क्लीयरन्स वाढवण्यात आला असून सीट अधिक आरामदायक करण्यात आली आहे. नवी सस्पेन्शन सिस्टीम आणि रायडरच्या पोझिशननुसार समरस होणारी इर्गोनॉमिक ट्रायअँगल यामुळे प्रवास अधिक सुरळीत होतो.

टेक्निकल सुधारणा आणि फीचर्स

रॉयल एनफिल्डच्या माहितीनुसार, हंटर 350 ही त्यांच्या 350 सीसी श्रेणीतील पहिली बाईक आहे ज्यात स्लिप असिस्ट क्लच देण्यात आला आहे. यासोबतच एलईडी हेडलॅम्प्स, ट्रिपर पॉड आणि टायप-सी यूएसबी फास्ट चार्जिंग सारखी आधुनिक फीचर्स देण्यात आली आहेत, जी दररोजच्या वापरात उपयुक्त ठरतात.

या लॉंच दरम्यान रॉयल एनफिल्डचे चीफ कमर्शियल ऑफिसर यदविंदर सिंग गुलेरिया यांनी म्हणाले, “हंटर 350 ही आमच्या पोर्टफोलिओतील एक महत्वाची बाईक आहे. युवा वर्गासाठी परफेक्ट आणि शहरामध्ये चालवण्यासाठी आदर्श बाईक आहे. नवीन अपडेट्समुळे ती अजूनच आकर्षक बनली आहे.”

किंमत आणि उपलब्धता

नवीन 2025 Hunter 350 सध्या सर्व अधिकृत रॉयल एनफिल्ड शोरूम्समध्ये आणि royalenfield.com वर बुकिंगसाठी उपलब्ध आहे. यांच्या किंमती पुढीलप्रमाणे आहेत (एक्स-शोरूम चेन्नई).

• Hunter Factory Black: 1,49,900 रुपये

• Dapper Series (Rio White आणि Dapper Grey): 1,76,750 रुपये

• Rebel Series (Tokyo Black, London Red आणि Rebel Blue): 1,81,750 रुपये

हंटर 350ची हे नवीन बाईक एडिशन केवळ एक बाईक नसून, रस्त्यांवर आत्मविश्वासाने फिरण्याचा एक अनुभव आहे. शहरातील ट्रॅफिक, दररोजच्या प्रवासासाठी आणि वीकेंड ट्रिप्ससाठी ही बाईक एक उत्तम पर्याय ठरू शकते.