टेक्नोहंट : ‘एस्पायर ७’चा तंत्रविस्तार

गेमिंग लॅपटॉपसाठी चर्चेत असलेल्या एसरकडून सातत्याने नवनव्या अपडेट्स बाजारात आणल्या जातात. त्यानुसार नुकतेच एस्पायर ७ या गेमिंग लॅपटॉपची नवी श्रेणी बाजारात आणली आहे. अत्याधुनिक 12th Gen Intel® Core™ i5 प्रोसेसर आणि NVIDIA GeForce GTX™ 1650 ग्राफिक्सने सुसज्ज असलेल्या या नव्या लॅपटॉपमुळे गेमिंगचा आगळावेगळा अनुभव गेमर्सला मिळणार आहे. त्याशिवाय एक्स्ट्रा थर्मल व्हेंटिलेशन, आकर्षक डिझाईन आणि उत्तम साऊंड ही या लॅपटॉपची आणखी वैशिष्ट्यं म्हणता येतील.

डिस्प्ले व डिझाइन

एस्पायर ७ या लॅपटॉप १५.६ इंच एफएचडी आयपीएस डिस्प्लेसह लॉन्च झाला असून, स्क्रीन टू बॉडी रेशो जवळपास ८१.६७ टक्के इतका आहे. तसंच एसर ब्ल्यूलाइटशिल्ड आणि एसर एक्साकलर तंत्रज्ञानामुळे आकर्षक स्क्रीनचा अनुभव मिळतो. १९.९ मिलिमीटर अॅल्युमिनिअम चेसिस, इलिव्हेटिंग हिंजेस, बॅकलाइट कीबोर्ड आणि चारकोल ब्लॅक रंगामुळे या लॅपटॉपला आकर्षक लूक मिळाला आहे.

उत्तम परफॉर्मसन्स

केवळ अत्याधुनिक 12th Gen Intel® Core™ i5 प्रोसेसर आणि NVIDIA GeForce GTX™ 1650 ग्राफिक्सच नव्हे, तर तब्बल ३२ जीबीपर्यंत विस्तार करता येणारी रॅम आणि २ टीबीपर्यंतचा ड्युएल एसएसडी स्टोरेजमुळे हा लॅपटॉप परफॉर्मन्स आणि स्टोरेजच्या बाबतीत आऊट ऑफ द बॉक्स ठरतो.

थर्मल सोल्युशन्स

कोणताही गेमिंग लॅपटॉप म्हटलं, तर ओव्हरहिटिंगचा प्रश्न उद्‍भवतोच. त्यावर उपाय म्हणून कूलिंग पॅड, एक्झॉस्ट फॅन आदी लॅपटॉपमध्ये देण्यात येतात. एस्पायर ७ या लॅपटॉपमध्ये ड्युएल फॅनसोबतच इनलेट कीबोर्डचा वापर करण्यात आला आहे. त्यामुळे इतर लॅपटॉपच्या तुलनेत जवळपास १० टक्के उष्णता बाहेर फेकली जाते. त्याशिवाय ट्रिपल थर्मल पाईप लॅपटॉपला ओव्हरहिट होण्यापासून रोखतो.

स्मार्ट कनेक्टिव्हिटी

एस्पायर ७ या लॅपटॉपमध्ये कनेक्टिव्हिटीसाठी वायफाय 6 आणि 6E मुळे हायस्पीड फाईल शेअरिंग आणि 4K स्ट्रीमिंगची सुविधा अनुभवता येते. त्याशिवाय ब्ल्युटूथ ५.२ आणि विविध यूएसबी पोर्टमुळे कनेक्टिव्हिटीचे अनेक पर्याय युजर्सना या लॅपटॉपच्या माध्यमातून उपलब्ध झाले आहे.

इतर वैशिष्ट्ये

एसर प्युरिफाईडव्हॉईस या तंत्रज्ञानामुळे युजर्सना ऑनलाईन मीटिंग, तथा व्हिडिओ कॉन्फरन्सिंगवेळी अनावश्यक आवाज काढून टाकला जातो. तसेच टीएनआर सोल्युशनमुळे फोटो आणि व्हिडिओमधील खराब पिक्सल शोधून त्याला इतर पिक्सलमध्ये ब्लेंड केले जाते, जेणेकरून युजरला उत्तम फोटो आणि व्हिडिओ क्वालिटीचा आनंद अनुभवता येतो. अशा प्रकारचे विविध फीचर्स असलेला हा लॅपटॉप बाजारात ६२,९९० रुपयांमध्ये उपलब्ध झाला आहे.