Social Media : इन्फ्लुएंसर्ससाठी केंद्राची नवी नियमावली; उल्लंघन केल्यास ५० लाखांचा दंड

Centre Issues New Rules For Influencers : केंद्र सरकारकडून सोशल मीडिया इन्फ्लुएंसर्ससाठी नवी नियमावली जाहीर करण्यात आली आहे.

हेही वाचा : जगायचं कसं हे सांगण्यासाठी हवं 'लिव्हिंग विल'

सरकारकडून जारी करण्यात आलेल्या नियमांचे पालन करण्याचे आवाहन इन्फ्लुएंसर्सना करण्यात आले असून, नियमांचे उल्लंघन करणाऱ्यांना ५० लाखांचा दंड भरावा लागेल असे, केंद्राकडून स्पष्ट करण्यात आले आहे.

गेल्या काही वर्षांत स्वतंत्र मीडियाच्या रूपाने सोशल मीडिया स्टार्स आणि रिपोर्टर्सची संख्या वाढली आहे. त्यात फेसबुक, ट्विटर आणि यूट्यूबर सशुल्क उत्त्पादनांचा प्रचार करण्याचे काम करतात. हे टाळण्यासाठी सरकारकडून ही नियमावली जारी करण्यात आली आहे.

काय आहेत सरकारचे नवे नियम?

केंद्रीय ग्राहक व्यवहार विभागाकडून सोशल मीडियासाठी नवीन नियम लागू करण्यात आले आहेत.

सोशल मीडियावर सशुल्क सामग्री पोस्ट करणे हे नियामांचे उल्लंघन असल्याचे केंद्राने म्हटले आहे. अशा प्रकारे सशुक्ल पोस्ट करणाऱ्यांना ५० लाखांचा दंड भरावा लागणार आहे.

सुरुवातीला दिशाभूल करणाऱ्या किंवा चुकीच्या पद्धतीने सशुल्क सामग्रीचा प्रचार केल्यास 10 लाख रुपयांचा दंड आकारला जाणार आहे. तसेच पुन्हा नियमांचे उल्लंघन केल्यास ५० लाखांपर्यंतचा दंड वसूल केला जाणार आहे.

नवीन नियमांनुसार, सोशल मीडिया प्लॅटफॉर्मवर कोणत्याही पेड आर्टिकलवर डिस्क्लेमर द्यावा लागणार आहे. दिशाभूल करणाऱ्या पोस्टपासून ग्राहकांचे रक्षण करण्यासाठी सरकारने ही नवीन नियमावली आणली आहे.