Tech Tips : ऑटोकरेक्ट फीचर कसे असते आणि ते चालू-बंद कसे कराल ?

अँड्रॉइड असो किंवा आयओएस, दोन्ही ऑपरेटिंग सिस्टिमवर हा पर्याय उपलब्ध आहे.
Tech Tips
Tech Tips google

मुंबई : टचस्क्रीन मोबाईल फोन आजकाल बहुतेक लोकांकडे आहे. यामुळे आपले जीवन खूप सोपे झाले आहे. स्मार्टफोनमध्ये असे अनेक फीचर्स मिळतात, जे एका चुटकीसरशी काम करू शकतात. लोकांना कनेक्ट ठेवण्यात, दूर राहणाऱ्या लोकांशी बोलण्यात स्मार्टफोनची महत्त्वाची भूमिका आहे.

चॅटिंगबद्दल बोलायचे झाले तर बरेचदा आपण घाईघाईत चुकीचे स्पेलिंग लिहितो. काहीतरी वेगळे सांगायचे आहे, आणि दुसरे काही लिहायचे आहे. किंवा सहसा आपण मित्र, मैत्रिणींशी गप्पा मारताना शॉर्ट फॉर्म वापरतो.

मित्रांच्या ग्रुपमध्ये थोडक्यात बोलणे किंवा चुकीचे स्पेलिंग लिहिणे चालून जाते, परंतु कार्यालयीन सहकाऱ्याशी किंवा कोणाशी औपचारिक संभाषण होत असेल तर अशा चुका योग्य वाटत नाहीत. अशा स्थितीत फोनचा ऑटोकरेक्ट पर्याय कामी येतो.

ऑटोकरेक्ट म्हणजे काय ?

ऑटोकरेक्ट हे एक सॉफ्टवेअर वैशिष्ट्य आहे जे तुम्ही टाइप करत असताना चुकीचे शब्दलेखन सुधारते. अँड्रॉइड असो किंवा आयओएस, दोन्ही ऑपरेटिंग सिस्टिमवर हा पर्याय उपलब्ध आहे. ऑटोकरेक्ट पर्याय संदेशात पाठवलेला मजकूर शोधतो आणि दुरुस्त करतो. त्याचे अल्गोरिदम चुकीचे स्पेलिंग दुरुस्त करून ते बरोबर लिहितो. उदाहरणार्थ, जर तुम्ही  ‘Lets tak today’ असे लिहिले तर ते ‘Let’s Talk today’  असे दुरुस्त करेल.

ऑटोकरेक्ट वैशिष्ट्य कधीकधी त्रासदायक ठरते

पण कधी कधी हे ऑटोकरेक्ट आपल्याला त्रासदायकही ठरते. त्याच्या अल्गोरिदमद्वारे आपल्याला काहीतरी वेगळे लिहायचे आहे आणि दुसरे काहीतरी लिहायचे आहे. अशा स्थितीत फोनमध्ये तो बंद कसा करायचा, असा प्रश्न अनेकांच्या मनात येतो. म्हणूनच Android फोन वापरकर्ते त्यांच्या फोनवर ऑटोकरेक्ट कसे बंद करू शकतात ते पाहू या...

१) तुमच्या स्मार्टफोनवरील सेटिंग अॅपवर जा.

2) ड्रॉप डाउन मेनूमधून सिस्टम निवडा.

3) भाषा आणि इनपुट वर टॅप करा.

4) मेनूमधून व्हर्च्युअल कीबोर्ड निवडा.

5) येथे एक कीबोर्ड निवडा. तुम्‍हाला कदाचित Gboard निवडण्‍याची आवश्‍यकता असेल कारण हा बहुतांश Android डिव्‍हाइसेसवर डीफॉल्‍ट कीबोर्ड आहे.

6) ड्रॉप-डाउन मेनू पर्यायातून टेक्स्ट करेक्शन निवडा.

7) खाली स्क्रोल करा आणि ऑटो-करेक्शन टॉगल बटण बंद करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com