WhatsApp Feature : व्हॉट्स ॲपवर सतत येणाऱ्या मेसेजला कंटाळलात, आलं DND फिचर

जगभरातील लाखो वापरकर्त्यांसाठी WhatsApp हे सर्वाधिक पसंतीचे इन्स्टंट मेसेजिंग प्लॅटफॉर्म आहे. या ॲपमध्ये वापरकर्ते फोटो आणि व्हिडिओ शेअर करतात तसेच व्हॉइस आणि व्हिडिओ कॉलिंगद्वारे संपर्क साधतात. व्हॉट्स ॲप कंपनी वापरकर्त्यांसाठी नवनवीन फीचर्स आणत असते. आता या व्हॉट्स ॲप मध्ये Do Not Disturb API  हे नवीन फिचर आले आहे. या फिचरच्या मदतीने, वापरकर्त्यांना त्यांच्या डू नॉट डिस्टर्ब सेटिंग्जमुळे कॉल मिस झाल्याचे समजणे सोपे होईल. WABetaInfo यांनी  ट्विट करून व्हॉट्स ॲपच्या या नवीन फीचरची माहिती दिली. व्हॉट्स ॲपच्या या नवीन फीचरचा स्क्रीनशॉटही ट्विटमध्ये शेअर करण्यात आला आहे.

हेही वाचा : विमा पाॅलिसींचे डी-मॅट पाॅलिसीधारकांनाच पोहचवेल नुकसान?

फोनच्या सेटिंग्जमध्ये जाऊन तुम्ही हे फीचर वापरू शकता. यानंतर, तुमच्या एखाद्या मित्राला किंवा कुटुंबातील सदस्याला काही सेकंदांसाठी व्हॉट्स ॲपवर कॉल करण्यास सांगा. कॉल मिस केल्यानंतर, जर तुम्हाला 'सायलेन्स्ड बाय डू नॉट डिस्टर्ब' असे लेबल दिसले, तर तुम्हाला समजेल की हे फिचर तुमच्या फोनवर चालू झाले आहे.

ग्रुप चॅटसाठी नवीन फिचर

व्हॉट्स ॲप बीटा वापरकर्त्यांसाठी ग्रुप चॅटचे एक नवीन फीचर आणत आहे. हे फिचर अधिक सदस्य असलेल्या ग्रुपसाठी चॅट नोटिफिकेशन आपोआप बंद करते. काही दिवसांपूर्वी  कंपनीने ग्रुपमध्ये 1024 सदस्य जोडणारे फिचर जारी केले. यानंतर, मोठ्या ग्रुपसाठी नोटिफिकेशन आपोआप म्यूट करणारे फिचर आणण्यासाठी तयारीचालू आहे.