No Signal in Lift Reason : तुम्ही लिफ्टमध्ये शिरताच तुमचं मोबाईल नेटवर्क का गायब होतं? याचे कारण जाणून तुम्हाला वाटेल आश्चर्य

लिफ्टमध्ये शिरताच मोबाईलचे नेटवर्क गायब होणे हा आपल्यापैकी अनेकांच्या रोजच्या जगण्यातील अनुभवाचा भाग आहे. पण यामागे केवळ सिग्नल नसणे एवढेच साधे कारण नसून विज्ञानाचा एक रंजक सिद्धांत लपलेला आहे. जेव्हा तुम्ही लिफ्टमध्ये पाऊल ठेवता, तेव्हा तुम्ही नकळतपणे एका 'फॅराडे केज' (Faraday Cage) मध्ये प्रवेश करता. लिफ्टचा डबा हा प्रामुख्याने स्टील, लोखंड किंवा ॲल्युमिनियम यांसारख्या जाड धातूंनी बनलेला असतो. धातू हे विद्युत चुंबकीय लहरींचे (Electromagnetic Waves) उत्तम वाहक असतात त्यामुळे ते बाहेरील सिग्नल आत येऊ देत नाहीत आणि आतील लहरी बाहेर जाऊ देत नाहीत.