Travel Tips: कौटुंबिक सहलीला जाताना 'या' चुका करू नका

रोजच्या धावपळीमुळे कुटूंबाला वेळ देणे अवघड काम होऊन बसले आहे. त्यामुळे, तुमच्या कुटुंबाशी असलेले बंध सुधारण्यासाठी आणि त्यांच्यासोबत दर्जेदार वेळ घालवण्यासाठी कौटुंबिक सहलीचे नियोजन करू शकता. कौटुंबिक सहलीवर तुम्ही तुमच्या ऑफिस आणि कामाचे टेन्शन सोडून तुमच्या कुटुंबासोबत वेळ घालवू शकता.

यामुळेच लोक वर्षातून दोन-तीन वेळा कौटुंबिक सहलीचे नियोजन करतात. जेव्हा तुम्ही कौटुंबिक सहलीचे नियोजन करत असाल, तर कोणत्या गोष्टी लक्षात ठेवल्या पाहिजे हे जाणून घेऊया.

• स्वातंत्र सीट बुक न करणे

अनेक वेळा लोक पैसे वाचवण्यासाठी मुलांसाठी वेगळी तिकिटे काढत नाहीत. मुले कुठेही जुळवून घेतील असे त्यांना वाटते. ही एक सामान्य चूक आहे. खरं तर तुम्ही जेव्हा कौटुंबिक सहलीला जात असाल तेव्हा तुम्ही सर्वांच्या आरामाची काळजी घेतली पाहिजे. अनेकदा, जेव्हा लोक मुलासाठी स्वतंत्र सीट बुक करत नाहीत, तेव्हा संपूर्ण प्रवासात त्यांना आणि मुलाला दोघांनाही गैरसोयीचा सामना करावा लागतो.

• बुकिंग न करणे

एकदा तुम्ही ठिकाण आणि बजेट ठरवले की, तुम्ही राहण्यासाठी बॉटेलचे बुकिंग करावे. तुम्ही आधीच बुकिंग केल्यावर तुम्हाला काही चांगल्या ऑफर मिळू शकतात. याशिवाय कौटुंबिक सहलीला जाताना तुम्हाला नंतर समस्या येत नाहीत.

• पुर्वनियोजन

कौटुंबिक सहलीला जाताना पुर्वनियोजन करणे गरजेचे आहे. जर तुम्ही पूर्वनियोजनाकडे दुर्लक्ष केले तर ते तुमच्यासाठी आणि कुटुंबातील इतर सदस्यांना अडचणीत आणू शकते.

• जास्त सामान पॅक करणे

कौटुंबिक सहलीला जाताना जास्त सामान पॅक करू नका. कारण जास्त सामान सोबत घेतल्याने तुमचा प्रवास खूप त्रासदायक होऊ शकतो. खूप सामान घेऊन, तुम्ही तुमच्या कौटुंबिक सहलीचा योग्य प्रकारे आनंद घेऊ शकत नाही. यामुळे कौटुंबिक सहलीला जाताना नेहमी फक्त आवश्यक वस्तूच सोबच पॅक कराव्या.