IRCTC Thailand Tour Package: थायलंडमध्ये साजरं करा नवीन वर्ष, चक्क इंडियन रेल्वेने लाँच केलं खास टूर पॅकेज

काही दिवसातच 2023 हे वर्ष संपून आपण 2024 या नव्या वर्षात पदार्पण करणार आहोत. अशा परिस्थितीत, जर तुम्हीही कुठेतरी प्रवास करण्याचा विचार करत असाल, तर इंडियन रेल्वे केटरिंग अँड टुरिझम कॉर्पोरेशन म्हणजेच IRCTC ने तुमच्यासाठी अतिशय स्वस्त एअर टूर पॅकेज आणले आहे, ज्यामध्ये तुम्ही थायलंडच्या दोन सुंदर शहरांना भेट देऊ शकाल. यामध्ये तुम्ही 60 हजार रुपयांपेक्षा कमी किमतीत थायलंडला भेट देऊ शकता. हे पॅकेज मुंबईपासून सुरू होणार आहे.

IRCTC च्या अधिकृत वेबसाइटवर उपलब्ध माहितीनुसार, IRCTC ने Treasures of Thailand ex Mumbai नावाचे टूर पॅकेज आणले आहे. या पॅकेजअंतर्गत तुम्हाला थायलंडमध्ये 4 रात्री आणि 5 दिवस प्रवास करण्याची संधी मिळेल. या पॅकेज दरम्यान, तुम्हाला बँकॉक आणि पटाया या सुंदर ठिकाणांना भेट देण्याची संधी मिळेल. या संपूर्ण पॅकेजसाठी तुम्हाला किमान 58,900 रुपये खर्च करावे लागतील.

टूर पॅकेजमध्ये या सुविधा उपलब्ध असतील

या पॅकेजमध्ये पर्यटकांना हॉटेलमध्ये राहणे, फ्लाइट टिकट, खाणेपिणे आदी अनेक सुविधा मिळणार आहेत. नाश्ता, दुपारचे जेवण आणि रात्रीच्या जेवणाची सुविधा IRCTC कडून पुरविली जाईल. जेवणाच्या योजनेबद्दल बोलायचे झाल्यास, या एअर टूर पॅकेजमध्ये तुम्हाला 5 ब्रेकफास्ट, 5 लंच आणि 4 डिनर मिळतील. IRCTC वेबसाइट irctctourism.com ला भेट देऊन प्रवासी या टूर पॅकेजसाठी बुकिंग करू शकतात.

टूर पॅकेजची खास वैशिष्ट्ये

पॅकेजचे नाव – Treasures of Thailand ex Mumbai (WMO033)

डेस्टिनेशन कव्हर - पटाया आणि बँकॉक

टूर डेट - 10 ते 14 जानेवारी 2024

टूर कालावधी - 5 दिवस/4 रात्री

मील प्लॅन - नाश्ता, दुपारचे जेवण आणि रात्रीचे जेवण

ट्रॅव्हलिंग मोड - फ्लाइट

विमानतळ/प्रस्थान वेळ – मुंबई विमानतळ/00:10 तास