Travel Packing Tips: हिल स्टेशनवर जाण्याचा विचार आहे? मग, 'या' खास गोष्टी बॅगेत ठेवा

Hill Station Travel Packing Tips: जम्मू काश्मीर, शिमला, मनाली, नैनीताल ही अशी सर्व हिल स्टेशन्स आहेत, जी पर्यटकांची पहिली पसंती आहे.

देशातील अशी अनेक प्रसिद्ध शहरं आहेत, जिथं खूप उष्णता असते, त्यामुळं या शहरांतील लोकांना सुट्टीसाठी वेळोवेळी हिल स्टेशनवर जाणं आवडतं. जम्मू काश्मीर, शिमला (Shimla), मनाली, नैनीताल ही अशी सर्व हिल स्टेशन्स आहेत, जी पर्यटकांची पहिली पसंती आहे.

जर तुम्ही देखील भारतातील हिल स्टेशनला (Hill Station) फिरण्याचा किंवा भेट देण्याचा विचार करत असाल, तर तुम्ही नेहमी काही 'खास गोष्टी' तुमच्या बॅगेत ठेवाव्यात..

जर तुम्ही भारतातील कोणत्याही हिल स्टेशनला भेट देण्यासाठी तुमची बॅग पॅक करत असाल, तर अशा अनेक महत्त्वाच्या गोष्टी आहेत, ज्या आपण विसरतो. पण, त्या घेणं खूप गरजेचं आहे. आज आम्ही तुम्हाला अशाच आवश्यक वस्तूंची यादी सांगणार आहोत, ज्या तुम्ही प्रवासादरम्यान तुमच्या ट्रॅव्हल बॅगमध्ये ठेवाव्यात.

लेदर जॅकेट आणि स्वेटर सोबत घ्या : हिल स्टेशनवर तापमान खूप कमी असते, त्यामुळं लेदर जॅकेट सोबत घ्या. कारण, हे जॅकेट खूप गरम असते. शिवाय, लेदर जॅकेट घालायला देखील चांगलं वाटतं. तसेच तापमान कमी असताना हे जॅकेट तुमचे शरीर उबदार ठेवते. यासोबतच जवळ स्वेटरही ठेवा.