Night Travel Tips: रात्री ट्रॅव्हल करताय? मग 'या' 5 गोष्टी लक्षात ठेवा, प्रवास होईल सुरक्षित

Road Safety At Night: रात्री प्रवास करणे अनेक लोकांसाठी आरामदायक ठरते. यावेळी रस्ते मोकळे असतात, ट्रॅफिक कमी असतो आणि प्रवास ही लवकर होतो. लांब अंतराचा प्रवास करणारे लोक अनेकदा रात्रीच्या प्रवासाला प्राधान्य देतात..कारण यामुळे वेळेची बचत होते आणि उन्हाळ्यात दिवसभराच्या कडक ऊनापासून बचाव होतो. मात्र, जरी रात्रीच्या प्रवासाचे अनेक फायदे असले तरी, त्याच्याशी संबंधित काही धोके देखील आहेत, जे दुर्लक्ष करता येत नाहीत.रात्री प्रवास करत असताना सुरक्षा ही सर्वात मोठी चिंतेची गोष्ट आहे. अंधारामुळे रस्त्यावर कमी प्रकाश असतो, ज्यामुळे अपघातांचा धोका वाढतो. त्यामुळे रात्रीच्या प्रवासात अधिक काळजी घेणं आवश्यक असते. जर तुम्ही देखील रात्री प्रवास करण्याचा विचार करत असाल, तर काही महत्त्वाच्या गोष्टी लक्षात ठेवून तुमचा प्रवास सुरक्षित आणि आरामदायक बनवू शकता. आज आम्ही तुमच्यासाठी 5 महत्त्वाच्या टिप्स सांगत आहोत, ज्यांचा पालन केल्याने तुमचं रात्रीचा प्रवास अधिक सुरक्षित होईल..Chaitra Navratri 2025: नवरात्रीच्या 9 दिवसांमध्ये परिधान करा हे 9 रंगाचे कपडे, देवी भगवतीच्या आशीर्वादाने होईल प्रत्येक इच्छेची पूर्तता!.मोबाइल आणि इतर आवश्यक गोष्टी सोबत ठेवारात्रीच्या प्रवासात तुमचा मोबाइल तुमचा सोबती असतो. म्हणून, मोबाइलची बॅटरी पूर्ण चार्ज करा आणि पावर बँक सोबत ठेवा. मोबाईल मध्ये आपत्कालीन नंबर जसे कुटुंबीय, पोलीस, ॲम्ब्युलन्स, आणि रोड असिस्टन्सचे नंबर सेव करा. एटीएम कार्ड, पैसे सोबत ठेवा. कारण काही ठिकाणी डिजिटल पेमेंटचा पर्याय उपलब्ध नसतो. आणि, जर तुम्ही एकटे प्रवास करत असाल, तर तुमच्या लोकेशनची माहिती कुटुंबातील व्यक्तीला किंवा जवळच्या मित्राला शेअर करा..प्रवासापूर्वी चांगली झोप घ्यारात्री प्रवास करताना थकवा आणि झोपेची समस्या होऊ शकते. जर तुम्ही गाडी चालवत असाल, तर प्रवास करण्यापूर्वी किमान 6-8 तासांची झोप घेणे महत्त्वाचे आहे. यामुळे तुम्हाला झोप लागणार नाही आणि अपघातांचा धोका टाळू शकतो. तसेच, लांबचा प्रवास करत असाल तर थोडे थोडे ब्रेक घेणे गरजेचं आहे. तुमच्या सोबत अजून कोण प्रवास करत असेल थोडा वेळा त्या व्यक्तीला गाडी चालवायला सांगू शकता. ज्यामुळे तुम्हाला थकवा जाणवणार नाही.मॅपचा वापर करारात्री प्रवास करताना, तुमच्याकडे रस्त्याची संपूर्ण माहिती असली पाहिजे. यासाठी, GPS नेव्हिगेशन वापरणे अत्यंत महत्त्वाचे आहे आणि बॅकअप म्हणून ऑफलाइन मॅप्स डाउनलोड करा. शक्य असल्यास, आधीच रस्त्याबद्दल माहिती घेऊन प्रवास करा, ज्यामुळे अनोळखी ठिकाणी अडचण येणार नाही. जर तुम्ही एकटे सुनसान रस्त्यांवरून जात असाल, तर तुमचे प्रवासाचे प्लॅन आणि लोकेशन एखाद्या विश्वासू व्यक्तीस शेअर करा..गाडी किंवा बाइक चेक करारात्री प्रवास करत असताना गाडी चांगली स्थितीत असायला हवी. प्रवासापूर्वी गाडीचे हेडलाइट्स, ब्रेक, टायर, आणि इंधन टाकी भरलेली आहे का? सर्व काही तपासा. तुम्ही बाइकने प्रवास करत असाल, तर हेलमेट आणि रिफ्लेक्टिव जॅकेट घालणे आवश्यक आहे, ज्यामुळे तुमची दृश्यता वाढेल आणि सुरक्षा सुनिश्चित होईल. याचबरोबर टायर, जॅक, टॉर्च, आणि टूलकिट सोबत ठेवा.सुरक्षित स्थळीच थांबारात्री प्रवास करत असताना, तुम्हाला कधी तरी थांबावे लागू शकते. पण, नेहमी सुरक्षित स्थळीच थांबा. सुनसान ठिकाणी गाडी थांबवू नका. हायवेवरील पेट्रोल पंप, टोल प्लाझा किंवा चांगल्या रेस्ट स्टॉपवरच थांबा. सार्वजनिक वाहतूक वापरत असताना, स्टेशन किंवा बस स्टँडवर अधिक सुरक्षित असते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.