Viral Video : रिक्षाचालक अन् मांडीवर बसवलेला कुत्रा! 'देव याचं भलं करो'-नेटकऱ्यांची प्रार्थना

प्रत्येकाच्या घरी मांजर किंवा कुत्रा असे पाळीव प्राणी असतात. काही लोकं कुत्र्यांना कपडे घालतात, गाडीत बसवून फिरायला घेऊन जातात, काहीजण मांजरांचा मेकअप करतात. पण त्यांचा त्यांच्या पाळीव कुत्र्यावर जीव असतो. सध्या अशाच एका व्यक्तीचा व्हिडिओ व्हायरल झाला आहे. त्यामध्ये तो आपल्या कुत्र्याला मांडीवर घेऊन जाताना दिसत आहे.

व्हायरल होत असलेला व्हिडिओ एका रिक्षाचालकाचा असून तो रिक्षा चालवत असताना आपल्या पाळीव कुत्र्याला मांडीवर बसवून घेऊन चालला आहे. तर सिग्नलला थांबला असता त्याच्या डोक्यावरून रूमाल फिरवतानासुद्धा दिसत आहे. तो त्याची लेकरासारखी काळजी घेताना पाहून नेटकरीसुद्धा भावूक झाले आहे.

दरम्यान, नेटकऱ्यांनी या व्हिडिओवर आपल्या प्रतिक्रिया व्यक्त केल्या आहेत. त्यामध्ये त्यांनी "देवाने या रिक्षाचालकाचे भले करो, त्याला आयुष्यात ज्या गोष्टी हव्या आहेत त्या गोष्टी त्याला मिळो अशी देवाकडे प्रार्थना" अशा कमेंट नेटकऱ्यांनी केल्या आहेत.

बंगळूरू शहरातील रस्त्याच्या सिग्नलवरील हा व्हिडिओ असल्याचा दावा नेटकऱ्यांनी केला आहे. इंस्टाग्रामवरील alka_itis या अकाउंट वरून हा व्हिडिओ शेअर करण्यात आला असून आत्तापर्यंत ४ लाख २५ हजार लोकांनी या व्हिडिओला लाईक केलं आहे.