Viral : 'पिकवा अन् विका' यातून हा शेतकरी रोज कमावतो 3 हजार; Video एकदा पाहाच

अनेक कारणावरून शेतकरी अडचणीत सापडल्याच्या बातम्या येत असतात. तर अनेकदा शेतकरी नापिकी, अतिवृष्टी, दुष्काळ या कारणामुळे हवालदिल झालेला असतो. महाराष्ट्रात अनेक शेतकरी या समस्यामुळे आत्महत्या करत असतात. तर सध्या एका शेतकऱ्याचा व्हिडिओ सोशल मीडियावर व्हायरल झाला आहे. त्यामध्ये त्याने इतर शेतकऱ्यांसाठी मोठा संदेश दिला आहे.

व्हायरल होत असलेला शेतकरी हा रस्त्याच्या कडेला काही फळे आणि प्रक्रिया केलेले पदार्थ विकताना दिसत आहे. त्याच्याकडे पपई, हळद, लाकडी घाण्यावरील तेल, मोसंबी हे उत्पादने विकायला आहेत. हे सगळे उत्पादने तो आपल्या शेतातील पिकातून तयार करतो तर फळे त्याच्याच शेतातील आहेत. तो हे विकून रोज तीन हजार रूपये कमावतो हे या व्हिडिओत सांगताना दिसत आहे.

दरम्यान, या शेतकऱ्याचा हा व्हिडिओ सध्या चांगलाच व्हायरल झाला असून पिकवा आणि स्वत:च विका या माध्यमाचा वापर करून प्रत्येक शेतकऱ्याने शेती केली तर एकही शेतकरी गरीब राहणार नाही. या शेतकऱ्याने लाकडी घाण्यावरील तेल आणि प्रक्रिया केलेली हळद विक्रीसाठी ठेवली आहे. त्याने आपल्याकडील कच्च्या मालाला भाव नसल्यामुळे त्याच्यावर प्रक्रिया केली आहे हे प्रत्येक शेतकऱ्याने ओळखलं पाहिजे.