सोशल मीडियावर सध्या एक फिटनेस इन्फ्लुएंसर मोठ्या प्रमाणावर ट्रोल होत आहे. अॅश्टन हॉल या स्वयंघोषित फिटनेस आणि बिझनेस उद्योजकाने त्याचा सकाळचा दिनक्रम दर्शवणारा व्हिडिओ शेअर केला असून, त्याने इंटरनेटवर प्रचंड गाजावाजा निर्माण केला आहे. "एक प्रेरणादायी जीवनशैली" असे भासवण्याच्या प्रयत्नात असलेल्या या व्हिडिओला सध्या ६३३ दशलक्षपेक्षा जास्त व्ह्यूज मिळाले आहेत. मात्र, बहुतांश वापरकर्त्यांनी या व्हिडिओला खोटेपणाचा शिक्का मारत हॉलवर टीका केली आहे.