Viral Video : चिमुकले फक्त आपल्यालाच आवडतात असं नाही; माकडांनाही लागला बाळाचा लळा

माकडांना किंवा वानरांना पाहिलं की आपण घाबरतो. पर्यटन स्थळी, डोंगरावर, किल्ल्यावर अनेकदा आपल्याला माकडांचे दर्श होत असते. पण माकडांच्या तुलनेत वानरांचा विचार केला तर त्यांचे फक्त तोंडच काळे नसते तर ते जास्त आक्रमकसुद्धा असतात.

पण सध्या असाच एक व्हिडिओ सोशल मीडियावर व्हायरल झाला असून वानरांना एका चिमुकलीचा लळा लागल्याचं यामध्ये दिसत आहे.

व्हायरल होत असलेल्या व्हिडिओमध्ये सदर चिमुकली घराजवळ बसली असताना तीन चार वानरे तिच्याजवळ येत तिला गोंजारत आहेत. तर तिच्याजवळ बसलेले वानर तिची पप्पी घेताना दिसत आहे. ही चिमुकलीसुद्धा न घाबरता तिथे बसली आहे. हा गोड व्हिडिओ तुम्हालाही खूप आवडेल.

दरम्यान, माकडांनाही चिमुकल्या लेकरांची आवड असते, लळा असतो हे या व्हिडिओच्या माध्यमातून आपल्याला समजेल. हा व्हिडिओ सोशल मीडियावर अनेकांनी शेअर केला असून त्यावर आपल्या प्रतिक्रिया व्यक्त केल्या आहेत. ट्वीटरवरील youth_club या अकाऊंटवरून हा व्हिडिओ शेअर करण्यात आला आहे.