उत्तर प्रदेशातील बिजनौर जिल्ह्यातील नहटौर तालुक्यातील खंडसाल गावात एका अनपेक्षित आणि ऐतिहासिक खजिन्याचा शोध लागला आहे. वन महोत्सव कार्यक्रमांतर्गत मनरेगा योजने अंतर्गत झाडे लावण्यासाठी खणलेल्या खड्ड्यात कामगारांना मातीच्या भांड्यात ४० प्राचीन नाणी सापडली. या नाण्यांवर उर्दू भाषेतील लेख कोरलेले असून, तज्ञांच्या मते ही नाणी मुगल काळातील असावीत. या खजिन्याने स्थानिक ग्रामस्थ आणि प्रशासनात खळबळ उडवली आहे.