OLA Scooter for Commentary : या जुगाडाचा नाद खुळा! क्रिकेट कॉमेट्रीसाठी ओला स्कूटरचा वापर

भारतातील तरूणांकडे खूप ज्ञान आहे पण त्याला व्यासपीठ मिळत नाही असं कित्येकजण बोलत असतात. तर अनेक तरूण आपल्या ज्ञानाचा वापर करून नवनवे प्रयोग करत असतात. भारतातले तरूण अनेक जुगाडू प्रयोग करतात. असाच एका जुगाडू तरूणाचा व्हिडिओ सध्या व्हायरल होत आहे.

हेही वाचा - Love Jihad: प्रेमाला धर्म आहे...?

व्हायरल होत असलेल्या व्हिडिओमध्ये एक मुलगा क्रिकेटची मॅच सुरू असताना कॉमेंट्री करत आहे. तर कॉमेंट्रीच्या साऊंडसाठी त्याने ओला स्कूटरचा वापर केल्याचं दिसत आहे. ओलाच्या स्कूटरमध्ये साऊंड सिस्टीम दिलेली असून त्याने ती आपल्या फोनला कनेक्ट करून फोनच्या माईकवरून बोलताना दिसत आहे. त्याचा आवाज ग्राऊंडमध्ये घुमताना दिसत आहे.

दरम्यान, या तरूणाचा व्हिडिओ सध्या चांगलाच व्हायरल होत असून त्याचा हा जुगाडू प्रयोग अनेकांना आवडला आहे. हा व्हिडिओ अनेकांनी शेअर केला असून ओला स्कूटरचा असाही उपयोग होऊ शकतो हे तरूणाने दाखवून दिलं आहे. तर या व्हिडिओवर अनेकांनी आपल्या प्रतिक्रिया व्यक्त केल्या आहेत.