Tooth in Food : ब्रिटीश एअरवेजच्या पदार्थांमध्ये सापडला चक्क दात; महिला प्रवासी संतापली

प्रवास करताना दिल्या जाणाऱ्या अन्नामध्ये केस, झुरळ किंवा अळ्या सापडण्याचे प्रकार आपण अनेकदा अनुभवले असतील किंवा ऐकले असतील पण चक्क ब्रिटीश एअरवेजच्या अन्नामध्ये मानवी दात सापडल्याचा दावा एका महिलेने केला आहे. तर हा फोटो सध्या सोशल मीडियावर व्हायरल केला जात आहे.

(Tooth in food viral photo)

"25 ऑक्टोबर रोजी लंडन ते दुबई या फ्लाइट BA107 मधील आमच्या अन्नामध्ये आम्हाला दात सापडला. हे भयावह असून यासंदर्भात आम्हाला तुमच्याकडून ऐकायचं आहे. आमचे सर्व दात आमच्याकडे आहेत त्यामुळे हे दात आमचे नाहीत आणि आम्ही तुमच्या कॉल सेंटरवरून कोणाशीही संपर्क साधू शकत नाही." अशी माहिती संबंधित महिलेने देऊन ब्रिटीश एअरवेजला धारेवर धरलं आहे. @ghadaelhoss या ट्वीटर अकाऊंटवरून हा व्हिडिओ शेअर करण्यात आला आहे.

दरम्यान, सदर महिलेने पोस्ट केलेल्या फोटोमध्ये अन्नाचे पार्सल दिसत असून यामध्ये एक दात असल्याचंही दिसतंय. त्यामुळे ही महिला प्रवासी संतापली असून तिने यासंदर्भात उत्तर मागवले आहे. हा फोटो सध्या अनेकांकडून शेअर केला जात असून अनेकांनी यावर आपल्या प्रतिक्रिया व्यक्त केल्या आहेत.