बिहारच्या वैशाली जिल्ह्यातील राजापाकर परिसरात एका धक्कादायक घटनेने सर्वांना हादरवून सोडले आहे. सर्पमित्र म्हणून प्रसिद्ध असलेल्या जेपी यादव यांचा रविवारी एका विषारी कोब्राच्या दंशामुळे मृत्यू झाला. या घटनेचा व्हिडिओ सध्या सोशल मीडियावर व्हायरल होत आहे, ज्यामुळे लोकांमध्ये भीती आणि शोकाची लाट पसरली आहे. जेपी यादव यांनी यापूर्वी शेकडो सापांना सुरक्षितपणे जंगलात सोडून त्यांचे प्राण वाचवले होते, पण यावेळी त्यांच्याच हातून साप पकडताना त्यांचा जीव गेला.