Rakhi Price Hike Viral Video : राखी खरेदीआधी एकदा हा व्हिडिओ नक्की बघा; काही सेकंदातच दोन रुपयांची राखी झाली ५० रुपयांना!

राखीपौर्णिमेचा सण शनिवारी सर्वत्र साजरा होणार आहे. यानिमित्त आपल्या लाडक्या भाऊरायासाठी आपल्या आवडीची स्पेशल अन् आकर्षक राखी खरेदीसाठी महिलावर्गाची दुकानांमध्ये गर्दी होत आहे. तर बाजारपेठेतीली दुकानांमध्येही विविध आकर्षक राख्या विक्रीसाठी ठेवण्यात आलेल्या आहेत. 

नेहमीप्रमाणे अगदी दोन-पाच रुपयांपासून ते शंभर-दीडशे रुपयांपर्यंतचीही राखी दुकानांमध्ये दिसून येत आहे. तर महिलावर्ग त्यांना परवडेल आणि आवडेल तशी राखी खरेदी करतान दिसत आहे. अशावेळी दुकानदरही जास्तीत जास्त ग्राहक आपल्या दुकानात यावेत, यासाठी विविध प्रयत्न करताना दिसत आहेत.

तर, राखी विक्री हा एकप्रकारे सिझनेबल धंदा असल्याने दुकानदारही जास्तीत जास्त कमाई करून घेण्यासाठी धडपडत असतात. अशावेळी राख्यांचे भाव निश्चित करताना ते विविध शक्कल लढवतात. याच पार्श्वभूमीवर आता एका राखी विक्रेत्याचा व्हिडिओ सध्या सोशल मीडियावर प्रचंड व्हायरल होत आहे.

विशेष म्हणजे या व्हिडिओत तो राखी विक्रेता स्वत:च हे सांगतोय की, कशाप्रकारे एक अवघी दोन रुपयांची राखी ही ५० रुपयांना, १०० रुपयांना बाजारात विकली जाते. राखीची किंमत वाढण्यासाठी तिच्या आकर्षक पॅकिंगला फार महत्त्व असतं, जेवढी जास्त आकर्षक पॅकींग तेवढी त्या राखीची किंमत वाढेल, असं तो विक्रेता सांगताना दिसतो.

तर हा व्हिडिओ पाहून अनेकांचं डोकं चकरावलं आहे. आपण कशाप्रकारे मूर्खात निघतो, याचाच विचार अनेकांच्या डोक्यात आला असणार हे निश्चित. कारण, जास्तीजास्त आकर्षक राखी घेता यावी म्हणून महिलावर्ग राखीच्या किंमतीत फार घासाघीस करत नाही आणि ती दुकानदार देईल त्या किंमतीत घेत असतात. मात्र आता हा व्हिडिओ समोर आल्यानंतर राखीच्या मार्केटमधील वास्तवच एकप्रकारे समोर आलं आहे, असं बोललं जात आहे.

हा व्हिडिओ इंस्टाग्रामवरील व्लॉगर @jasveersinghvlogs ने शेअर केला आहे, जो तुफान व्हायरल होत आहे. या व्हिडिओला आतापर्यंत लाखांच्या घरांत व्ह्यूज मिळाले आहेत. तर शेकडो कमेंटसही आलेल्या आहेत.