Video : संबळ वाजवत महिलेने दाखवली शिवकला; डोळे बांधून शोधला प्रेक्षकांमधला नारळ

डोळे बांधलेले, फक्त ऐकायला येणाऱ्या आवाजाच्या इशाऱ्यावर समोर बसलेल्या प्रेक्षकामध्ये जाणे आणि ज्या व्यक्तीकडे नारळ आहे त्या व्यक्तीला शोधून काढणे. पण हे काम आपण विचार करतो तेवढं सोपं नाहीये. त्यासाठी अंगात कला असावी लागते. सध्या एका संबळ वादकाचा आणि नारळ शोधणाऱ्या व्यक्तीचा व्हिडिओ सोशल मीडियावर व्हायरल झाला आहे.

व्हायरल होत असलेला व्हिडिओ हा छत्रपती शिवाजी महाराजांच्या राज्याभिषेक सोहळ्यातील असल्याची माहिती आहे. तर त्यामध्ये चक्क एक महिला संबळ वाजवत असून संबळच्या बोलावर हा व्यक्ती प्रेक्षकांमध्ये एकाकडे नारळ असलेल्या व्यक्तींपर्यंत पोहोचते. ही शिवाजी महाराजांच्या काळातील कला असल्याचं सांगण्यात येत आहे.

दरम्यान, गोंधळी समाजाची ही कला आपणही अनेकदा पाहिली असेल. एखाद्या यात्रेमध्ये हाताने केलेल्या खूणेवरून आपलं नाव ओळखण्याची कला करणारे कलाकार आपण पाहिले असतील. पण महिला संबळ वादक आपणही पिहल्यांदाच पाहत असाल. सध्या हा व्हिडिओ सोशल मीडियावर चांगलाच धुमाकूळ घालत असून नेटकऱ्यांनी यावर आपल्या कमेंट केल्या आहेत.