एक वाईनची बाटली पडली तब्बल सव्वा लाखाला; भामट्याने केले बॅँक खाते साफ

online fraud.jpg
online fraud.jpg

नाशिक : ऑनलाइन वाईन मागवत असाल तर सावधान...ऑनलाइन वाईन घेण्याची हौस चांगलीच गळ्याशी आली आहे. नाशिकरोड एका ज्येष्ठाला एक वाईनची बाटली चक्क १ लाख १८ हजार रुपयांना पडली. आता ते खरेदी करतांना चार वेळा विचार करणार. काय घडले नेमके वाचा...

अशी आहे घटना

ऑनलाइन वाईन मागविणे एका ज्येष्ठाला चांगलेच महागात पडले. ऑनलाइन एक वाईनची बाटली मागवल्यानंतर त्यांचे बँक खाते हॅक करून भामट्याने वेळोवेळी त्यांच्या खात्यातून १ लाख १८ हजार ४५७ रुपये लंपास केल्याचे समोर आले आहे. याप्रकरणी प्रशांत गोविंद घाटनेकर (६४, रा. ग्रिन मिडोस अपार्टमेंट, म्हसोबा मंदिराजवळ, नाशिक रोड) यांनी तक्रार दाखल केली आहे. त्यानुसार घाटनेकर यांनी १२ सप्टेंबरला त्यांनी घरून ऑनलाइन वाईनची बाटली मागवली होती. या बाटलीची रक्कम भरण्यासाठी त्यांच्या मोबाईलवर एक कॉल आला. त्यांनी सांगितल्याप्रमाणे घाटनेकर यांनी त्यांच्या बँक खात्याची माहिती दिली. त्यावरून भामट्यांनी त्यांचे एचडीएफसी बँकेचे खाते हॅक करून वेळोवेळी आतापर्यंत १ लाख १८ हजार रुपये लंपास केल्याचे उघडकीस आले. 

संबंधित व्यक्तीने वेळोवेळी प्रशांत घाटनेकर यांच्या खात्यातून आतापर्यंत १ लाख १८ हजार रुपये लंपास केले. याप्रकरणी उपनगर पोलीस ठाण्यात गुन्हा दाखल करण्यात आला आहे. वरिष्ठ पोलीस निरीक्षक सुनील रोहकले तपास करीत आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com