पेटीएम केवायसी अपडेट करता करता त्यांनी साधला डाव...अन्

नाशिक : पेटीएम अ‍ॅप अपडेट करण्याची वेगवेगळी कारणे सांगून एका अज्ञात इसमाने तिडके कॉलनीतील एका व्यक्तीला सव्वा पाच लाख रुपयांचा गंडा घातल्याचा प्रकार उघडकीस आला आहे. या प्रकरणी सायबर पोलीस ठाण्यात गुन्हा दाखल केला असून पोलीस संशयिताचा शोध घेत आहेत. 

असा आहे प्रकार

तिडके कॉलनीतील बाजीरावनगर येथील सुपुश्य हाईट्समधील एका व्यक्तीला अज्ञात इसमाने फोन व इंटरेटद्वारे त्याचप्रमाणे घरी येऊन पेटीएम अपडेट करण्याची वेगवेगळी कारणे सांगून २ लाख २६ हजार ११० रुपयांचे ऑनलाईन इंटरनेटचे ट्रान्झेक्शन करून आर्थिक फसवणूक केली, या प्रकरणात पोलीसांनी फिर्यादीचे नाव गोपनीय ठेवले. असून फसवणूक करणाऱ्या अज्ञात इसमावर गुन्हा दाखल केला आहे. अशाच प्रकारे  दुसऱ्या प्रकरणात मुंबईनाका परिसरातील अभिजित जयवंतराव शिंदे (४२)यांना ही  फेब्रुवारी ते मार्च २०२० या कालावधीत अज्ञात इसमाने पेटीएम केवायसी अपडेट करावयाचे आहे, असे भासवून क्वीक सपोर्ट, एनी डिस्क व इतर अ‍ॅप डाऊनलोड करण्यास सांगून फिर्यादी व इतर तक्रारदारांचे खात्यातून परस्पर मोठी रक्कम काढून घेत फसवणूक केली. या दोन्ही प्रकरणांमध्ये सायबर पोलीस ठाण्यात गुन्हा दाखल करण्यात आला असून पोलीस संशयितांचा शोध घेत आहेत.

हेही वाचा > तुमच्या मोबाईलमध्ये ही आता कोरोना?...कॉल करुन तर पाहा

हेही वाचा > VIDEO : 'ते' आले...'त्यांनी' पाहिलं, 'ते' रंगात रंगले...अन् जिंकली मने!