नाशिक : महाराष्ट्रात कोरोना संसर्ग वेगाने फैलावत असल्याच्या पार्श्वभूमीवर कर्नाटक सरकारने महाराष्ट्रातून येणाऱ्या प्रवाशांना ७२ तासांच्या आतील आरटीपीसीआर निगेटिव्ह चाचणी बंधनकारक केली आहे.
नाशिकहून बेळगाव विमानसेवा चालविणाऱ्या स्टार एअरवेज कंपनीला तशा सूचना दिल्या आहेत. महाराष्ट्रात कोरोनाचे रुग्ण वाढत असल्याने सरकारने बंधने अधिक कडक केली आहेत. राज्यातील काही जिल्ह्यांमध्ये रात्रीची संचारबंदी लागू केली आहे. मास्क न वापरणाऱ्यांना दंड केला जात आहे. महाराष्ट्रातील कोरोना रुग्णांची वाढती संख्या लक्षात घेता लागून असलेल्या राज्यांमध्ये सतर्कता राखली जात आहे. त्याचाच एक भाग म्हणून विमान कंपन्यांना सूचना देण्यात आल्या आहेत. जानेवारी महिन्यापासून नाशिकहून कर्नाटकातील बेळगाव शहरासाठी विमानसेवा सुरू झाली आहे. विमानसेवेला चांगला प्रतिसाद मिळत आहे. कोरोनाच्या पार्श्वभूमीवर वाढत्या प्रवाशांची संख्या लक्षात घेऊन निर्देश दिले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
