नाशिक : (जुने नाशिक) पश्चिम बंगाल येथील संशयिताने जुने नाशिक, पठाणपुरा भागातील सोन्याचे दागिने तयार करणाऱ्या कारागिराच्या घरी चोरी करत सुमारे एक लाख 21 हजारांचा ऐवज लंपास केल्याची घटना घडली होती. भद्रकाली गुन्हे शाखेच्या पथकाने अवघ्या काही तासांत त्यास अटक केली.
असा आहे प्रकार
हबीब मलिक (वय 26, रा. मूळ कोलकता) यांचे पठाणपुरा येथे सोन्याचे दागिने बनविण्याचे काम चालते. त्यांच्याकडे काही पश्चिम बंगाल येथील कारागीर काम करतात. काही दिवसांपूर्वी पिंपळगाव बसवंत येथील सोन्याचे दागिने विक्री करणाऱ्या व्यावसायिकाने त्यांना मंगळसूत्रात वापर करण्यात येणाऱ्या मीना डिझाइनच्या सोन्याच्या पुंगळ्या बनविण्याचे काम दिले होते. मंगळवारी (ता. 24) त्यांनी कामासाठी आणलेले 92 हजारांचे दोन तोळे चार ग्रॅम सोने आणि 23 हजारांची रोकड चोरी झाल्याचे श्री. मलिक यांच्या लक्षात आले. सोमवारी (ता.23) सकाळी श्री. मलिक त्यांच्या घरास कडी लावून चहा पिण्यासाठी बाहेर गेले. ही संधी साधत संशयिताने घरातील सोने आणि रोकड लंपास केल्याचा संशय पोलिसांकडे व्यक्त केला. मलिक यांच्याकडे काम करणारा संशयित सद्दामहुसेन खालिक सैफुल्ला शेख (रा. पश्चिम बंगाल) याचे नाव समोर आले.
त्याच्या संशयास्पद हालचालीमुळे त्यास कामावरून काढून टाकले असल्याचे सांगितले. गुन्हे शोध शाखेच्या पथकाने संशयिताच्या मिळालेल्या वर्णनावरून त्यास गंगागोदावरी भागातून ताब्यात घेतले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.