इटलीचे दाम्पत्य नाशिकमध्ये आढळतात तेव्हा.. अन् ते सुद्धा विदाऊट मास्क?

नाशिक : (जुने नाशिक) इटलीतील डॉक्‍टर दांम्पत्यांच्या चौकशीनंतर त्यांना मुंबईच्या दिशेने रवाना होण्याची परवानगी देण्यात आली. वैद्यकीय कामानिमित्ताने ते इंदौरला गेले होते. मायदेशी परतण्यासाठी मुंबई येथील आंतरराष्ट्रीय विमानतळावर जात होते. त्यांच्याकडे शासकीय आवश्‍यक कागदपत्र असल्याची खात्री केल्यानंतर त्याना पुढील प्रवासास परवानगी देण्यात आली. 

इंदौर येथे वैदयकीय कारणास्तव प्रवास...

कोरोनामुळे देशात लॉकडाऊन आहे. राज्य जिल्ह्यांच्या सिमा बंद करण्यात आले. असे असतांना शनिवारी (ता.11) दुपारच्या सुमारास (एम.पी 09 सिव्ही 3636) चारचाकी वाहन मुंबईच्या दिशेने जात होती. मुंबईनाका येथे नियुक्तीस असलेले वाहतुक शाखेचे पवन परदेशी यांनी वाहन अडवून चौकशी केली. वाहनचालकाने चारचाकीमध्ये इटली येथील डॉक्‍टर दांम्पत्य असल्याची माहिती दिली. इंदौर येथे वैदयकीय कारणास्तव गेले होते. आता ते मायदेशी परतण्यासाठी. मुंबई आंतरराष्ट्रीय विमानतळावर जात आहे. त्याठिकाणी त्यांच्यासाठी विशेष विमान येणार असल्याची माहिती दिली. तसेच मुंबई येथील दुतावास येथे त्यांना बोलावण्यात आले होते. त्यासंबंधीत आवश्‍यक विदेश मंत्रालयाचे शासकीय कागदपत्रेही असल्याची माहिती वाहनचालकाने श्री. परदेशी यांना दिली. त्यांनी कागदपत्राची तपासणी करुन त्यांना पुढील प्रवासास परवानगी दिली. 

हेही वाचा > मालेगावात आणखी एकाचा रिपोर्ट पॉझिटिव्ह; रुग्णाचा आकडा २९ वर

जगात सर्वात जास्त इटलीमध्ये कोरोनाचे महासंकट ओढावले आहे. तेथील दांम्पत्य प्रवासा दरम्यान आढळून आल्याने शहरात चर्चेला उधाण आले होते. विशेष म्हणजे डॉक्‍टर दांम्पत्य असून देखील त्यांनी मास्क केवळ कानास अडकविलेला होता. तोंडास मास्क लावले नसल्याचे यावेळी दिसून आले.  

हेही वाचा > सिन्नर तालुक्यात कोरोनाचा शिरकाव; वयोवृद्धाचा रिपोर्ट पॉझिटिव्ह