पुतण्याला भेटणं पडले पन्नास हजाराला?...त्यांनी केले असे काही

नाशिक : (नाशिकरोड) गंधर्व नगरी येथे सिगारेट, विडी विक्री करणारा व्यापारी घरी जात असताना त्याच्या चारचाकी वाहनाची काच फोडून अज्ञात चोरट्यांनी सुमारे पन्नास हजाराची रोकड लंपास केल्याचा प्रकार घडला. या बाबात उपनगर पोलीसांनी अज्ञात चोरट्यांविरूद्ध गुन्हा दाखल करण्यात आला.

अशी आहे घटना

परमानंद किशनचंद तारवानी, रा. हरीकृष्णा पॅलेस, मारूती मंदिरामागे, गंधर्व नगरी, नाशिकरोड यांचे सुभाषरोड येथे सिगारेट, विडी विक्रीचे दुकान आहे. शनिवारी रात्री पावणेदहा वाजेच्या सुमारास ते दुकान बंद करून घरी जात होते. यावेळी त्यांच्याकडे 50 हजाराची रक्कम होती. ते आपल्या चारचाकी वाहनातून (एमएच 15 एफटी 1830) पुतण्या जितेश घरी येत होते. दोघे हनुमान मंदिर, गंधर्व नगरी येथे पोहोचले असता पाठीमागून त्यांच्यासमोर राखाडी रंगाची होंडा सिटी (एमएच 12 एनडी 1651) गाडी आडवी लावली व त्यातून दोघे खाली उतरले. त्यातील एकाने लाकडी दांडूक्याने गाडीची काच फोडून पाठीमागील सीटवरील पन्नास हजार रुपये असलेली बॅग घेऊन फरार झाला.

हेही वाचा > मंदावलेल्या अर्थव्यवस्थेला सावरण्यासाठी दिशा देणारा अर्थसंकल्प - छगन भुजबळ

दोघेही हल्लेखोर अंदोजे 30-40 वयोगटातील होते. या बाबात तारवानी यांनी उपनगर पोलीस स्टेशनला तक्रार केली.  

हेही वाचा > PHOTOS : स्मार्ट रोडचा 'त्यांनी' घेतला ताबा!...बिनधास्त बसताय ठाण मांडूण...